គ្រាប់ពេជ្រនេះមានតម្លៃដល់40លានដុល្លារឯណោះ
AFP ផ្សាយកាលពីពេល ថ្មីៗកន្លងមកថា ក្រុមហ៊ុន Gem Diamonds បើកអាជីវកម្មលក់ពេជ្រដ៏ធំនៅប្រទេសឡេសូតូ ឱ្យដឹងថា បានប្រទះឃើញពេជ្រមួយគ្រាប់ទំហំធំបំផុត ស្ថិតនៅលំដាប់ទី៥…
AFP ផ្សាយកាលពីពេល ថ្មីៗកន្លងមកថា ក្រុមហ៊ុន Gem Diamonds បើកអាជីវកម្មលក់ពេជ្រដ៏ធំនៅប្រទេសឡេសូតូ ឱ្យដឹងថា បានប្រទះឃើញពេជ្រមួយគ្រាប់ទំហំធំបំផុត ស្ថិតនៅលំដាប់ទី៥ នៃពេជ្រដែលធ្លាប់ជួបប្រទះនាពេលកន្លងក ។
គ្រាប់ពេជ្រដែលប្រទះឃើញនៅល្អាង ឡេតសេង ប្រទេសឡេសូតូ ជាពេជ្រគ្មានពណ៌មានទំហំ៩១០ការាត់ មានគុណភាពល្អ និងរំពឹងថាអាចមានតម្លៃខ្ពស់ដល់ទៅ៤០លានដុល្លារ ។
លោកGlifford Elphick ប្រធានរបស់ក្រុមហ៊ុន Gem Diamonds ថ្លែងថា ចាប់តាំងពី Gem Diamonds បើកអាជីវកម្មអណ្តូងរ៉ែឡេតសេន នៅឆ្នាំ២០០៦មក អណ្តូងនោះបានផលិតពេជ្រមានគុណភាពល្អនៅលើពិភពលោក រួមទាំងមានគ្រាប់ពេជ្រឡេសូតូ ព្រំមីស (Lesotho Promise) ទំហំ៦០៣ការាត់ ហើយការប្រទះឃើញពេជ្រដែលមានទឹកដ៏ស្រស់ស្អាតនេះចាត់ទុកថាជាការរកឃើញដ៏សំខាន់ ។
ចំណែកលោកបេន ដេវីស អ្នកវិភាគផ្នែកសារធាតុរ៉ែពីលីបេរ៉ាំ កាពីតាល់ បានប៉ាន់ប្រមាណថាពេជ្រដែលប្រទះឃើញដោយ Gem Dianacnds នេះអាចមានតម្លៃខ្ពស់ដល់ទៅ៤០លានដុល្លារឯណោះ ៕
ចែករំលែកព័តមាននេះ