ខេត្តស្វាយរៀង ៖ លេខាធិការដ្ឋានលុបបំបាត់ឱសថក្លែងក្លាយ និងសេវាសុខាភិបាល ខុសច្បាប់ នៃមន្ទីរសុខាភិបាលខេត្តស្វាយរៀង បានដឹកនាំកម្លាំងសមត្ថកិច្ចចុះបិទគ្លីនិកគ្មានច្បាប់ចំនួន២កន្លែងកាលពីព្រឹកថ្ងៃទី១៥ មករា ២០១៨ នៅភូមិបាវិតកណ្តាល សង្កាត់បាវិត ក្រុងបាវិត។
ការចុះបិទគ្លីនិកខុសច្បាប់នេះ ដឹកនាំដោយលោកវេជ្ជបណ្ឌិត វន វិណារ៉ា អនុប្រធានមន្ទីរសុខាភិបាលខេត្ត សហការជាមួយនឹងអនុគណៈកម្មាការ លុបបំបាត់ឱសថក្លែងក្លាយ និងសេវាសុខាភិបាល ខុសច្បាប់ក្រុងបាវិតលោក អ៊ុង សា អភិបាលរងក្រុងបាវិត ដោយមានការសម្របសម្រួលពីលោក គង់ចាន់ ខេមរិទ្ធ ព្រះរាជអាជ្ញាអមសាលាដំបូងខេត្ត នគរបាល និងកងរាជអាវុធហត្ថ ខេត្ត និងក្រុងបាវិតបានចុះបិទគ្លីនិកចិនគ្មានច្បាប់២កន្លែង។
ទី១.គ្លីនិក យីហោឈ្មោះ «ថ្នាំប្រទេសចិន» នៅភូមិបាវិតកណ្តាល សង្កាត់បាវិត ក្រុងបាវិត និងទី២.ដកហូតអាជ្ញាប័ណ្ណបន្ទប់ថែទាំជំងឺ មួយកន្លែងទៀត ឈ្មោះ «បន្ទប់ពិគ្រោះនិងព្យាបាលជំងឺ សន្តិភាពថ្មី» នៅសង្កាត់បាវិត ក្រុងបាវិត។
ចែករំលែកព័តមាននេះ