ពូជចេកថ្មីពិសេសញ៉ាំបានទាំងសាច់ និងសំបក តែតម្លៃវិញមិនណយទេ
ជប៉ុន ៖ តាមប្រភពព័ត៌មាន Oddity Central បានឲ្យដឹងថា កសិករនៅ Okayama ប្រទេសជប៉ុន ទើបតែបង្កាត់ពូជបានផ្លែចេកពិសេស…
ជប៉ុន ៖ តាមប្រភពព័ត៌មាន Oddity Central បានឲ្យដឹងថា កសិករនៅ Okayama ប្រទេសជប៉ុន ទើបតែបង្កាត់ពូជបានផ្លែចេកពិសេស…
ជប៉ុន ៖ តាមប្រភពព័ត៌មាន Oddity Central បានឲ្យដឹងថា កសិករនៅ Okayama ប្រទេសជប៉ុន ទើបតែបង្កាត់ពូជបានផ្លែចេកពិសេស ដែលអាចទទួលទានទាំងសំបកបាន។
ជាធម្មតាសំបករបស់ផ្លែចេកមានកម្រាស់ក្រាស់ ហើយមានរសជាតិល្វីង។ តែសម្រាប់ចេកដែលមានឈ្មោះថា «Mongee Banana» មានកម្រាស់ស្តើង ហើយមិនសូវជាល្វីងដូចចេកធម្មតាទេ ដែលធ្វើឲ្យយើងអាចទទួលទានបានទាំងសំបក។
ក្រុមអ្នកវិទ្យាសាស្ត្រនៅ Okayama បានប្រើប្រាស់វិធីសាស្តពិសេសដែលយកមកពី២ម៉ឺនឆ្នាំមុន នៅពេលពិភពលោកផុតសម័យកាលទឹកកក (Ice Age)។ គេយកកូនដើមចេកទៅក្លាស្សេក្នុងសីតុណ្ហភាពត្រជាក់ដល់ -៦០អង្សារសេ ហើយយកវាចេញមកដាំឡើងវិញ នៅសីតុណ្ហភាពធម្មតា។
ការធ្វើដូចនេះអាចឲ្យដើមចេកផ្លាស់ប្តូរ DNA ហើយជួយឲ្យវាអាចដុះបាននៅក្នុងសីតុណ្ហភាពត្រជាក់របស់ប្រទេសជប៉ុន និងអាចឲ្យវាបានផលលឿនដោយប្រើពេលត្រឹមតែ៤ខែ ដែលដើមចេកធម្មតាត្រូវប្រើពេល១ឆ្នាំ។
តម្លៃរបស់ចេកពិសេសនេះ ក៏មិនណយដែរ។ មួយផ្លែលក់ក្នុងតម្លៃ៥.៧០ដុល្លារ។ រសជាតិរបស់វាផ្អែមជាចេកធម្មតា ហើយមានក្លិនខ្លាំងដូចផ្លែម្នាស់។
គួរបញ្ជាក់ថា នៅប្រទេសជប៉ុន មិនចាំបាច់ប្រើថ្នាំបាញ់សម្លាប់សត្វល្អិតលើផ្លែឈើឡើយ ដោយសារតែអាកាសធាតុត្រជាក់ស្រាប់។ ដូចនេះប្រជាជនអាចទទួលទានផ្លែឈើទាំងសំបកបានដោយមិនបាច់លាងទឹកជាមុន៕
ចែករំលែកព័តមាននេះ