សីតុណ្ហភាពនៅលើផែនដីដែលកើនពី១ទៅ២អង្សាសេមិនមែនជារឿងមួយដែលមនុស្សយើងត្រូវព្រងើយកន្តើយទេ ប៉ុន្តែជារឿងមួយធ្វើឱ្យមានការភ្ញាក់រលឹក ព្រោះវាជាសញ្ញាបម្រែបម្រួលអាកាសធាតុគួរឱ្យភ័យខ្លាចទាក់ទិននឹងអនាគតនៅលើពិភពលោក ហើយមនុស្សយើងនឹងទទួលផលប៉ះពាល់យ៉ាងពេញបន្ទុក ។
អ្នកស្រាវជ្រាវពីមហាវិទ្យាល័យវិទ្យាសាស្ត្រនិងបច្ចេកវិទ្យានៅក្រុងសើនចឺន ប្រទេសចិនលើកឡើងកាលពីពេល ថ្មីៗកន្លងមកថា ប្រសិនបើសីតុណ្ហភាពផែនដីកើនខ្ពស់២អង្សាសេ អាចព្យាករបានថានឹងធ្វើឱ្យផែនដីនៅលើពិភពលោកជាង១ភាគ៤ជួបនឹងគ្រោះរាំងស្ងួត ។
ប្រសិនបើមានសីតុណ្ហភាពកើនមធ្យមត្រឹម១,៥អង្សាសេ អាចមានតំបន់ប្រហែល២ភាគ៣ប្រើប្រាស់ជាប្រយោជន៍បាន ជាពិសេសនៅភាគខាងត្បូងទ្វីបអឺរ៉ុប ភាគខាងត្បូងទ្វីបអាហ្វ្រិក អាមេរិកកណ្តាល នៅអូស្ត្រាលី និងដែនដីមួយនៅតំបន់អាស៊ាន ព្រោះគ្រោះរាំងស្ងួតគឺគំរាមកំហែងសំខាន់លើបរិស្ថានធ្វើឱ្យខូចគុណភាពដីក្លាយជាវាលខ្សាច់ បាត់បង់ដើមឈើដែលមានសារសំខាន់ដល់ការស្រូបយកឧស្ម័នកាបូនអុកស៊ីដ រួមទាំងកើតមានភ្លើងឆេះព្រៃ និងប៉ះពាល់លើផ្នែកកសិកម្ម ។
ក្រុមអ្នកស្រាវជ្រាវសិក្សាដឹងពីកំណើនសីតុណ្ហភាព២អង្សាសេអាចកើតឡើងក្នុងអំឡុងពីឆ្នាំ២០៥២ ដល់២០៧០ដោយរំពឹងថាមានប្រហែល២៤ទៅ៣២%នៃដែនដីសរុបនឹងជួបគ្រោះរាំងស្ងួត ។ការធ្វើឱ្យសីតុណ្ហភាពផែនដីកើនឡើង១,៥អង្សាសេនោះមាននៅក្នុងកិច្ចព្រមព្រៀងប៉ារីស(Paris Agreement)ដោយមានប្រទេសជាច្រើនជាសមាជិកបានសន្យាកាត់បន្ថយការបញ្ចេញឧស្ម័នកាបូន ៕
ចែករំលែកព័តមាននេះ