ឆ្លៀតឱកាសពេលម្ចាស់គេចូលទិញទឹក ស្ទុះឡើងម៉ូតូជិះចេញ មានអីជាប់ខ្នោះ
- កណ្តាល
ខេត្តកណ្ដាល ៖ នៅព្រឹកថ្ងៃទី១១ ខែមករា ឆ្នាំ២០១៨ លោក សំម ឫទ្ធីវាសនា ព្រះរាជអាជ្ញាររង និងជាអ្នកនាំពាក្យអយ្យការអមសាលាដំបូងខេត្តកណ្ដាល…
ខេត្តកណ្ដាល ៖ នៅព្រឹកថ្ងៃទី១១ ខែមករា ឆ្នាំ២០១៨ លោក សំម ឫទ្ធីវាសនា ព្រះរាជអាជ្ញាររង និងជាអ្នកនាំពាក្យអយ្យការអមសាលាដំបូងខេត្តកណ្ដាល បានសម្រេចធ្វើការចោទប្រកាន់ចោរលួចម៉ូតូម្នាក់ ខណៈពេលដែលម្ចាស់ឈប់ទិញទឹកសុទ្ធ ភ្លេចដកសោ នៅស្រុកស្អាង តាមមាត្រា៣៥៣ និងមាត្រា៣៥៦ នៃក្រមព្រហ្មទណ្ឌ ប្រព្រិត្តនៅភូមិស្វាយជួរ ឃុំកោះខែល ស្រុកស្អាង ខេត្តកណ្ដាល កាលពីថ្ងៃទី១០ ខែមករា ឆ្នាំ២០១៨ ។
បទល្មើសនេះត្រូវផ្តន្ទាទោសពី៦ខែទៅ៣ឆ្នាំ និងពិន័យជាប្រាក់១លានរៀលទៅ៦លានរៀល ។ ជនត្រូវចោទមានឈ្មោះ អៀង ហឿន ហៅទក ភេទប្រុស អាយុ២៩ឆ្នាំ ជនជាតិខ្មែរ មានទីលំនៅផ្ទះលេខ១៧១ ផ្លូវលេខ២១BT ភូមិបឹងទំពន់៤ សង្កាត់បឹងទំពន់ ខណ្ឌមានជ័យ រាជធានីភ្នំពេញ ។
ជនរងគ្រោះមានឈ្មោះ មាស សូម៉ាលី ភេទស្រី អាយុ៥២ឆ្នាំ ជនជាតិខ្មែរ មានទីលំនៅភូមិព្រែកកែវ ឃុំកោះខែល ស្រុកស្អាង ខេត្តកណ្ដាល ។ សូមជម្រាបថា នៅវេលាម៉ោង០៨និង០០នាទី ថ្ងៃទី១០ ខែមករា ឆ្នាំ២០១៨ ឈ្មោះ មាស សូម៉ានី បានជិះម៉ូតូមកពីភូមិស្វាយជួរ រួចបានចុះពីលើម៉ូតូមិនបានដកកូនសោចេញទេ ចូលទិញទឹកសុទ្ធ ប្រហែលមួយសន្ទុះស្រាប់តែជនសង្ស័យបានឡើងជិះម៉ូតូចេញដោយបន្សល់កង់១គ្រឿងនៅកន្លែងកើតហេតុ ។
ភ្លាមនោះម្ចាស់ឃើញក៏ស្រែកឆោឡោ ។ បន្ទាប់មកជនសង្សយ័បានជិះម៉ូតូសំដៅឡើងទៅភ្នំពេញ ពេលកម្លាំងនគរបាលស្រុកស្អាងទទួលបានព័ត៌មានភ្លាមក៏ចេញពួនស្ទាក់ចាប់បានជនសង្យ័យនៅចំណុចភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្ដាល បញ្ជូនមកអធិការដ្ឋាននគរបាលស្រុកស្អាងចាត់ការបន្តតាមនីតិវិធី ៕
ចែករំលែកព័តមាននេះ