ខេត្តប៉ៃលិន ៖ បន្ទាប់ពីមេការសំណង់មិនបើកប្រាក់ឱ្យកម្មករចំនួន៦៤នាក់ដែលធ្វើសាលារៀន១កន្លែងនៅសង្កាត់បរយ៉ាខា និងធនាគារ១កន្លែងទៀត នៅសង្កាត់ប៉ៃលិន ក្រុងប៉ៃលិន ខណៈកម្មករខ្លះ៣០ម៉ឺនរៀល ខ្លះជាង៥០ម៉ឺនរៀល និងខ្លះជាង១លាន សរុបទាំងអស់ជាង១ម៉ឺនដុល្លារ ។
រហូតមកដល់រសៀលថ្ងៃទី១០ និងព្រឹកថ្ងៃទី១១ ខែមករា ឆ្នាំ២០១៨ នេះអាជ្ញាធរខេត្តប៉ៃលិនបានរៀបចំដោះស្រាយហើយដោយហៅឱ្យមេការយកប្រាក់មកបើកជូនពួកគេទាំងអស់វិញ ។ ការបើកនេះមានចំនួន៣ដំណាក់កាលទី១-ថ្លៃជំពាក់អ្នកធ្វើការបានជាង៣០ម៉ឺនរៀល, ទី២-អ្នកធ្វើការបានជាង៥០ម៉ឺនរៀល និងទី៣-អ្នកធ្វើការបានជាង១លានរៀល ។
សូមបញ្ជាក់ថា លើកទី១ជាង១ខែមុនកម្មករតវ៉ានៅមុខអគារធនាគារប៉ៃលិនវឌ្ឍនៈស្ថិតនៅភូមិវត្ត សង្កាត់ប៉ៃលិនដើម្បីឱ្យអាជ្ញាធរជួយអន្តរាគមន៍លើកទី២តវ៉ាកាលពីវេលាម៉ោង៩នឹង៣០នាទីព្រឹកថ្ងៃទី០២ ខែមករា ឆ្នាំ២០១៨ ស្ថិតនៅក្នុងភូមិរោងចក្រ សង្កាត់បរយ៉ាខា ក្រុងប៉ៃលិន ។
ប្រភពព័ត៌មានពីកម្មករសំណង់មួយចំនួនបានឱ្យដឹងថា ក្រោយពីសារព័ត៌មានកាសែត និងទូរទស្សន៍ បានចុះផ្សាយយ៉ាងគគ្រឹកគ្រេងពាក់ព័ន្ធនឹងមេការសំណង់មិនបើកប្រាក់ខែជូនពួកគាត់ក្រោយមកទើបអាជ្ញាធរខេត្តប៉ៃលិនបានហៅមេការដែលម៉ៅការសាងសង់ធនាគារប៉ៃលិនវឌ្ឍនៈឱ្យធ្វើការដោះស្រាយជូនពួកគាត់ភ្លាមៗ ៕
ចែករំលែកព័តមាននេះ