មនុស្សភាគច្រើនបានផ្តល់ភាពសំខាន់លើការប្រើប្រាស់កុំព្យូទ័រជាមួយMouse គ្មានខ្សែ ប៉ុន្តែនៅពេលប្រើប្រាស់រយៈពេលយូរនោះនឹងមានអារម្មណ៍ថា តើវាអាចប្រើបានយូរប៉ុនណា ? ដូច្នេះ យើងអាចពិនិត្យមើលសភាពរបស់វាដូចខាងក្រោមនេះ ៖
១-មើលកន្លែងចុច ៖
ជាធម្មតា ការប្រើប្រាស់ Mouse តែងមានការរំកិលផ្លាស់ទី ឬការចុចគ្រប់ពេលវេលា ដូច្នេះ បើយើងចុចវាហើយមានអារម្មណ៍ថា កម្លាំងចុចនោះខុសប្រក្រតី ដូចជា ចុចហើយមិនលោត ឬវាមិនទៅតាមអ្វីដែលយើងចង់បាននៅពេលកំពុងធ្វើការ បង្ហាញថា Mouse របស់យើងជិតខូចហើយ ។
២-មើលការផ្លាស់ទីរបស់ Curser ៖
ការផ្លាស់ទីរបស់ Curser បើឃើញថា វាមិនអាចចល័តទីតាមអ្វីដែលយើងចង់បាន បង្ហាញថា Mouse នោះមានបញ្ហា ប៉ុន្តែបើវាអាចប្តូរថ្ម ឬសាកថ្មបាន ចូរសាកល្បងសាកថ្មជាមុនសិន ហើយយកមកប្រើប្រាស់ ។
ពេលខ្លះ អាចនឹងកើតបញ្ហាព្រោះ Mouse មិនស្អាត យើងអាចពិនិត្យមើល និងសម្អាតធូលីពី Sensor របស់វា នេះក៏ជាវិធីមួយទៀតដែលធ្វើឲ្យរបស់ Mouse ប្រើការបានរអិលជាងមុនផងដែរ ។
៣-មើលថ្ម (Battery) ថាខូចឬទេ ៖
សម្រាប់ Mouse គ្មានខ្សែដែលមានថ្មនៅខាងក្នុង យើងអាចត្រូវពិនិត្យមើលថា តើវាប្រើមកយូរប៉ុនណាហើយ ។ ជាទូទៅ ថ្មរបស់វាតែងមានអាយុប្រើប្រាស់ប្រមាណ២ឆ្នាំ គឺស្មើជាមួយថ្មទូរស័ព្ទដៃដែរ ប៉ុន្តែបើបណ្តោយឲ្យវាអស់ថ្មញឹកញាប់នោះ គឺអាចនឹងមានបញ្ហាថា ថ្មនឹងអន់ថយគុណភាពបាន ។
ប្រសិនបើ Mouse របស់យើងអាចដោះផ្លាស់ប្តូរថ្មបាន គឺអាចមើលសញ្ញាភ្លើងនៅលើវា ដែល Mouse នីមួយៗតែងខុសៗគ្នា ដូចជា ប្រភេទ Logitech ភាគច្រើន បើភ្លើងរបស់វាលោតពណ៌ក្រហមបង្ហាញថា វាអន់ថ្ម គឺត្រូវប្តូរចេញមុននឹងប្រើប្រាស់ ។ បើមិនចង់ឲ្យថ្មឆាប់ខូចទេនោះ យើងមិនគួរបណ្តោយឲ្យវាអស់ថ្មជាញឹកញាប់ទេ ។
ការអនុវត្តតាម៣វិធីនេះ យើងនឹងអាចពិនិត្យមើល Mouse គ្មានខ្សែ មុននឹងសម្រេចចិត្តទិញថ្មី និងសាកល្បងយកវិធីនេះទៅអនុវត្តបាន ៕
ចែករំលែកព័តមាននេះ