សពកូនដំរីបញ្ជូនមកដល់ក្រសួងបរិស្ថាន ដើម្បីធ្វើការសិក្សាស្រាវជ្រាវ
- ភ្នំពេញ
រាជធានីភ្នំពេញ ៖ នារសៀលថ្ងៃអង្គារ ៨រោច ខែបុស្ស ឆ្នាំរកា នព្វស័ក ព.ស ២០១៨ ត្រូវនឹងថ្ងៃទី០៩…
រាជធានីភ្នំពេញ ៖ នារសៀលថ្ងៃអង្គារ ៨រោច ខែបុស្ស ឆ្នាំរកា នព្វស័ក ព.ស ២០១៨ ត្រូវនឹងថ្ងៃទី០៩…
រាជធានីភ្នំពេញ ៖ នារសៀលថ្ងៃអង្គារ ៨រោច ខែបុស្ស ឆ្នាំរកា នព្វស័ក ព.ស ២០១៨ ត្រូវនឹងថ្ងៃទី០៩ ខែមករា គ.ស២០១៨ មន្ត្រីនៃនាយកដ្ឋានជីវៈចម្រុះក្រសួងបរិស្ថាន បានទទួលសាកសពកូនសត្វដំរីមួយក្បាល ពីមន្ត្រីឧទ្យានុរក្ស នៃដែនជម្រកសត្វព្រៃកែវសីម៉ា ក្នុងខេត្តមណ្ឌលគីរី នាទីស្តីការក្រសួងបរិស្ថាន។ លោក ម៉េង មុនីរក្ស ប្រធាននាយកដ្ឋានជីវៈចម្រុះ បានឱ្យដឹងថា សាកសពកូនដំរីងាប់នេះ ជាដំរីឈ្មោល មានអាយុប្រហែល១ឆ្នាំ ទម្ងន់ប្រមាណជាង១០០គីគូក្រាម ត្រូវបានមន្ត្រីឧទ្យានុរក្សជួបប្រទះនៅក្នុងព្រៃឫស្សី ដែលបានជាប់ផុងមួយកំណាត់ខ្លួន បណ្តាលឱ្យងាប់នៅហ្នឹងកន្លែង ក្នុងដែនជម្រកសត្វព្រៃកែវសីម៉ា ក្នុងខេត្តមណ្ឌលគីរី។
លោក ម៉េង មុនីរក្ស បានបញ្ជាក់ដែរថា អ្នកជំនាញក្រសួងបរិស្ថាន នឹងសហការជាមួយសាកលវិទ្យាល័យភូមិន្ទភ្នំពេញ ដើម្បីរៀបចំជាសំណាកស្បែក និងសំណាកគ្រោងឆ្អឹង តាមលទ្ធភាពធ្វើទៅបាន ដើម្បីទុកសិក្សាស្រាវជ្រាវផ្នែកជីវចម្រុះនៅកម្ពុជា។ សូមបញ្ជាក់ថា បច្ចុប្បន្នដំរីព្រៃជាថនិកសត្វមានមាឌធំជាងគេបង្អស់នៅលើភពផែនដី និងកំពុងស្ថិតនៅក្នុងបញ្ជីក្រហមរបស់អង្គការIUCN ដែលជាប្រភេទសត្វរងគ្រោះជិតផុតពូជលើពិភពលោក។ ការការសិក្សាកន្លងមក ដំរីព្រៃមានវត្តមាននៅក្នុងប្រទេសកម្ពុជាមានចំនួនប្រមាណពី២៥០ ទៅ៥០០ក្បាល ហើយនៅក្នុងដែនជម្រកសត្វព្រៃកែវសីម៉ា មានប្រភេទដំរីរស់នៅប្រមាណ១១៥ក្បាល៕
ចែករំលែកព័តមាននេះ