រាជធានីភ្នំពេញ៖ តាមសេចក្តីរាយការណ៍បានឲ្យដឹងថា ព្រឹកមិញនេះវេលាម៉ោង៨ដល់ម៉ោង១១ នរគបាលបានចុះត្រួតពិនិត្យចរាចរណ៍ដែលឃាត់បានម៉ូតូចំនួន៤០គ្រឿង នៅខណ្ឌឬស្សីកែវ រាជធានីភ្នំពេញ ។
សេចក្តីរាយការណ៍បន្តថា កម្លាំងតាមបណ្តាប៉ុស្តិ៍បានចុះត្រួតពិនិត្យចរាចរណ៍ឃត់ម៉ូតូបាន៤០គ្រឿង ដែលអត់មាន មួកការពារសុវត្ថិភាព អត់កញ្ចក់ អត់ស្លាកលេខជាដើម ។
យុទ្ធធាការខាងលើនេះចាប់ផ្តើមតាំងពីម៉ោង៨ ដល់ម៉ោង១១ ថ្ងៃទី០៩ ខែមករា ឆ្នាំ២០១៨ ដោយឃាត់បានម៉ូតូ៤០គ្រឿងដែលមានគោលដៅ៤កន្លែង ទី១- នៅតាមផ្លូវលេខ៥ មុខឃាំងសាំងសូគីមិច ចាប់បានម៉ូតូ១០គ្រឿង ទី២-នៅម្តុំវត្តទួលសង្កែ បានម៉ូតូ១៧គ្រឿង ទី៣-នៅតាមផ្លូវបេតុង ក្បែរផ្សារគីឡូម៉ែត្រលេខ៧ បានម៉ូតូ៩គ្រឿង ទី៤- នៅចំណុចប្រឡាយ សង្កាត់ស្វាយប៉ាក ភូមិឡកំបោរ បានម៉ូតូ៤គ្រឿង ។
នរគបាលបានប្រាប់ និងធ្វើការណែនាំថា ពេលបងប្អូនធ្វើដំណើរទៅណាមកណា សូមឲ្យមានមួកការពារ មានកញ្ចក់ មានស្លាកលេខ ដើម្បីការពារសណ្តាប់ធ្នាប់ និងអាយុជីវិតបងប្អូនទាំងអស់គ្នាផងដែរ ។
គួរបញ្ជាក់ដែរថា កាលពីម្សិលមិញនេះសមត្ថកិច្ចចុះត្រួតពិនិត្យឃាត់បានម៉ូតូចំនួន៩៩គ្រឿង ដែលម៉ូតូទាំងនោះបានបញ្ជូនទៅកាន់ស្នងការនរគបាលរាជធានីភ្នំពេញហើយដែរ ។ គោលការចុះត្រួតពិនិត្យនេះនឹងបន្តនៅរសៀលថ្ងៃនេះបន្តទៀត ៕
ចែករំលែកព័តមាននេះ