ខេត្តកណ្តាល ៖ នៅល្ងាចថ្ងៃទី០៨ ខែមករា ឆ្នំ២០១៨ លោក សាយ សម្ផស្សសេរី ចៅក្រមស៊ើបសួរសាលាដំបូងខេត្តកណ្តាលបានសម្រេចចេញដីការឃុំខ្លួនចោរលួចកាច់.កម៉ូតូបានសម្រេចពីនាក់នៅក្រុងតាខ្មៅដាក់ពន្ធនាគារបណ្តោះអាសន្នពីបទ«លួច» តាមមាត្រា៣៥៣…
ខេត្តកណ្តាល ៖ នៅល្ងាចថ្ងៃទី០៨ ខែមករា ឆ្នំ២០១៨ លោក សាយ សម្ផស្សសេរី ចៅក្រមស៊ើបសួរសាលាដំបូងខេត្តកណ្តាលបានសម្រេចចេញដីការឃុំខ្លួនចោរលួចកាច់.កម៉ូតូបានសម្រេចពីនាក់នៅក្រុងតាខ្មៅដាក់ពន្ធនាគារបណ្តោះអាសន្នពីបទ«លួច» តាមមាត្រា៣៥៣ និងមាត្រា៣៥៦ នៃក្រមព្រហ្មទណ្ឌ ។ ដែលប្រព្រឹត្តនៅភូមិដើមគរ សង្កាត់ដើមមៀន ក្រុងតាខ្មៅ ខេត្តកណ្តាល កាលពីថ្ងៃទី០៦ ខែមករា ឆ្នាំ២០១៨ ។
បទល្មើសនេះត្រូវផ្តន្ទាទោសពី០៦ខែ (ប្រាំមួយខែ) ទៅ០៣ឆ្នាំ (បីឆ្នាំ) និងពិន័យជាប្រាក់០១លានរៀល ទៅ០៦លានរៀល ។ ជនត្រូវចោទពីនាក់មានឈ្មោះ វ៉ន គឹមតុង ភេទប្រុស អាយុ២៤ឆ្នាំ មានទីលំនៅភូមិព្រែកតាពៅ សង្កាត់ដើមមៀន ក្រុងតាខ្មៅ មុខរបរមិនពិតប្រាកដ និងទី២-ឈ្មោះ មាស រ៉ូនី ភេទប្រុស អាយុ២៥ឆ្នាំ ទីលំនៅភូមិព្រែកតាពៅ សង្កាត់ដើមមៀន ក្រុងតាខ្មៅ មុខរបរមិនពិតប្រាកដ ។
សូមជម្រាបថា នៅថ្ងៃទី០៦ ខែមករា ឆ្នាំ២០១៨ ជនរងគ្រោះបានចតម៉ូតូទុកនៅខាងមុខផ្ទះ ហើយក៏មានជនល្មើសបានលួចកាច់.កយកទៅបន្ទាប់មកជនរងគ្រោះក៏បានដើររកឃើញម៉ូតូរបស់ខ្លួន និងម៉ូតូជនល្មើសនៅចំណុចខាងមុខផ្ទះរបស់ជនល្មើសឈ្មោះ មាស រ៉ូនី ខាងក្រោយសាលារៀនព្រែកតាពៅរួចក៏ប្តឹងសមត្ថកិច្ចប៉ុស្តិ៍ដើមមៀនឲ្យដកហូតយកមករក្សាទុកនៅប៉ុស្តិ៍ ។
ក្រោយមកក៏បានស្រាវជ្រាវឃាត់ខ្លួនម្ចាស់ម៉ូតូឈ្មោះ វ៉ន គឹមតុង និងឈ្មោះ មាស រ៉ូនី យកមកសាកសួរនៅប៉ុស្តិ៍ហើយជនល្មើសឈ្មោះ វ៉ន គឹមតុង បានឆ្លើយថា ម៉ូតូនេះជាម៉ូតូរបស់ខ្លួនមែនតែខ្លួនមិនបានជិះធ្វើសកម្មភាពនោះទេគឺឈ្មោះ ឌិន ស៊ីដារ៉ូ ហៅស្លេក ជាអ្នកខ្ចីជិះធ្វើសកម្មភាព ។
ចំនែកឈ្មោះ មាស រ៉ូនី បានឆ្លើយសារភាពថា ខ្លួនបានឃើញឈ្មោះ ឌិន ស៊ីដារ៉ូ ហៅស្លេក និងឈ្មោះ វ៉ន គឹមតុង ជាអ្នកកាច់ម៉ូតូហើយយកម៉ូតូនោះមកផ្ញើរទុកនៅផ្ទះរបស់ខ្លួន ។ វត្ថុតាងចាប់យកបាន ម៉ូតូ Honda C125 ពណ៍ខ្មៅ ស៊េរីឆ្នាំ២០០៨ ស្លាកលេខ ភ្នំពេញ ១G-៥៥៤៤ របស់ជនល្មើស និងម៉ូតូម៉ាក Honda ស្កូបពី ពណ៍ក្រហម ស៊េរីឆ្នាំ២០១៥ ស្លាកលេខ ភ្នំពេញ ១CQ-១០៧៨ ម៉ូតូជនរងគ្រោះដកហូតយកមកវិញ ៕
ចែករំលែកព័តមាននេះ