សម្រេចឃុំខ្លួនជនគ្រឿងញៀ.ន៤នាក់ ដាក់ពន្ធនាគារបណ្តោះអាសន្ន
- កណ្តាល
ខេត្តកណ្តាល ៖ នៅល្ងាចថ្ងៃទី០៨ ខែមករា ឆ្នាំ២០១៨ លោក គឹម ម៉េង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួន…
ខេត្តកណ្តាល ៖ នៅល្ងាចថ្ងៃទី០៨ ខែមករា ឆ្នាំ២០១៨ លោក គឹម ម៉េង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួន…
ខេត្តកណ្តាល ៖ នៅល្ងាចថ្ងៃទី០៨ ខែមករា ឆ្នាំ២០១៨ លោក គឹម ម៉េង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួន ក្រុមជួញដូរគ្រឿងញៀនប្រុស ស្រី០៤នាក់ ដាក់ពន្ធនាគារបណ្តោះអាសន្នពីបទ “ជួញដូរដោយខុសច្បាប់នូវសារធាតុញៀន” ដែលប្រព្រឹត្តនៅភូមិត្រពាំងជួន ឃុំឆក់ឈើនាង ស្រុកអង្គស្នួល ខេត្តកណ្តាល កាលពីថ្ងៃទី០៧ ខែមករា ឆ្នាំ២០១៨ តាមមាត្រា៤០ នៃច្បាប់ស្តីពីការត្រួតពិនិត្យគ្រឿងញៀន។ ជនសង្សយ័មានឈ្មោះ ទី១.ឈ្មោះ ញ៉ុន សំណាត ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្ន នៅភូមិ ត្រពាំងជួន ឃុំឆក់ឈើនាង ស្រុកអង្គស្នួល ខេត្តកណ្តាល ទី២-ឈ្មោះ ស៊ិន ចំណាត់ ភេទប្រុស អាយុ១៥ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្ន នៅភូមិត្រពាំងជួន ឃុំ ឆក់ឈើនាង ស្រុកអង្គស្នួក ខេត្តកណ្តាល ទី៣-ឈ្មោះឡឹម រ៉ាវី ភេទប្រុស អាយុ២៧ឆ្នាំ ជនជាតិខ្មែរ មុខរបរ ជាងធ្វើសំណង់ ទីលំនៅបច្ចុប្បន្ន ភូមិខ្នា ឃុំឆក់ឈើនាង ស្រុកអង្គស្នួល ខេត្តកណ្តាល និងធ្លាប់ជាប់ពន្ធនាគារជាង០១ឆ្នាំ និងទី៤-ឈ្មោះ ប៉េង សុភស្ត័ ភេទស្រី អាយុ៣២ឆ្នាំ ជនជាតិខ្មែរ មុខរបរកម្មកររោងចក្រ ទីលំនៅបច្ចុប្បន្នស្នាក់នៅ ភូមិត្រពាំងជួន ឃុំឆក់ឈើនាង ស្រុកអង្គស្នួល ខេត្តកណ្តាល។
លោកឧត្តមសេនីយ៍ត្រី ឈឿន សុចិត្រ ស្នងការរងទទួលផែនប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តកណ្តាល បានប្រាប់ឲ្យដឹងថា ក្រុមជួញដូរគ្រឿងញៀនចំនួន០៤នាក់ បានត្រូវនគរបាលស្រុកអង្គស្នួល ដឹកនាំដោយលោកវរសេនីយ៍ មាន សំណាង អធិការស្រុកអង្គស្នួល សហការណ៍ជាមួយប៉ុស្តិ៍រដ្ឋបាល ធ្វើការចុះបង្ក្រាបបានភ្លាមៗ ខណៈក្រុមនោះកំពុងរៀបចំចែកចាយ និងប្រើប្រាស់។ ហេតុការណ៍ឃាត់ខ្លួននេះ ធ្វើឡើងនៅថ្ងៃអាទិត្យ០៦រោច ខែបុស្ស ឆ្នាំរកា នព្វសក័ ព.ស២៥៦១ ត្រូវថ្ងៃទី០៧ ខែមករា គ.ស២០១៧ វេលាម៉ោង២ និង៣០នាទី ត្រង់ចំណុច ភូមិត្រពាំងជួន ឃុំឆក់ឈើនាង ស្រុកអង្គស្នួល ខេត្តកណ្តាល។ វត្ថុតាងចាប់យកមាន ម្សៅក្រាមពណ៌សថ្លា សង្ស័យថាជាសារធាតុញៀន ចំនួន០៣កញ្ចប់ (ធំ១កញ្ចប់ មធ្យម១កញ្ចប់ តូច១កញ្ចប់) ២/ទូរសព្ឌ័ដៃ ១គ្រឿង អិនចុចពិលពណ៌ខៀវ។ ៣/ថង់សម្រាប់វេចខ្ចប់ថ្នាំញៀន និងឧបករណ៍ប្រើប្រាស់មួយចំនួនទៀត។ លោកស្នងការរងបញ្ជាក់ថា នៅថ្ងៃខែឆ្នាំវេលាម៉ោងកើតហេតុខាងលើ កម្លាំងជំនាញបានទទួលព័ត៌មានពីមហាជនល្អ ថាមានជនសង្សយ័កំពុងជួញដូរថ្នាំញៀន និងប្រើប្រាស់ នៅចំណុចកើតហេតុខាងលើ ភ្លាមនោះកម្លាំងជំនាញ បានបានសហការណ៍ជាមួយប៉ុស្តិ៍រដ្ឋបាលឆក់ឈើនាងចុះដល់កន្លែងកើតហេតុ ហើយបានឃាត់ខ្លួនជនសង្សយ័ម្នាក់ឈ្មោះ ស៊ិន ចំណាត់ ឆែកត្រួតពិនិត្យឃើញថ្នាំញៀន០១កញ្ចប់។
ជនសង្សយ័បានសារភាពថា ថ្នាំញៀននេះទិញពីឈ្មោះ ញ៉ុន សំណាត ផ្ទះនៅភូមិត្រពាំងជួន ឃុំឆក់ឈើនាង ស្រុកអង្គស្នួល ខេត្តកណ្តាល។ ភ្លាមនោះកម្លាំង ជំនាញបានបន្ត តាមរកមុខសញ្ញាឈ្មោះ ញ៉ុន សំណាត ឃើញកំពុងនៅក្នុងបន្ទប់របស់ ឈ្មោះ ប៉េង សុភស្ត័ ភេទស្រី ភូមិត្រពាំងជួន។ ដោយមានបទបញ្ជាពីឯកឧត្ដមស្នងការ និងមានការដឹកនាំសម្រួបសម្រួលពីលោកឧត្តមសេនីយ៍ត្រី ស្នងការរងទទួលផែនប្រឆាំងបទល្មើស និងមានការឯកភាពពីលោកព្រះរាជអាជ្ញាអមសាលាដំបូង ខេត្តកណ្ដាល មានការចូលរូមពីលោកមេភូមិ ក្រុមប្រឹក្សាឃុំ នគរបាលប៉ុស្តិ៍ និងនៅចំពោះមុខ ជនសង្សយ័កម្លាំងជំនាញបានធ្វើការត្រួតពិនិត្យ ឆែកឆេរ រកឃើញ ថ្នាំញៀន០២កញ្ចប់ ធំ០១កញ្ចប់ តូច០១កញ្ចប់ ថង់សម្រាប់វេចខ្ចប់ថ្នាំញៀន និងឧបករប្រើប្រាស់ដូចខាងលើ។ នៅចំពោះមុខសមត្ថកិច្ចនគរបាល ជនសង្ស័យ ឈ្មោះ ញ៉ុន សំណាត បានឆ្លើយសារភាពថា ខ្លួនបានទិញថ្នាំញៀន ពីបុរសម្នាក់មិនស្គាល់ឈ្មោះ នៅផ្លូវវេងស្រេង រាជធានីភ្នំពេញ ទិញម្តងៗចំនួនបីជី តម្លៃ៥០០ដុល្លារដើម្បីយកលក់បន្ត៕
ចែករំលែកព័តមាននេះ