រាជធានីភ្នំពេញ ៖ បន្ទាប់ពីសម្តេចព្រះសង្ឃរាជទាំងពីរគណៈនិមន្តចាប់ឆ្នោតកំណត់លេខរៀងគណបក្សនយោបាយលើសន្លឹកឆ្នោត សម្រាប់ការបោះឆ្នោតព្រឹទ្ធសភា២០១៨ នេះ ជាលទ្ធផល គឺគណបក្សប្រជាជនលេខរៀងទី១ គណបក្សយុវជនកម្ពុជាលេខរៀងទី២ បក្សខ្មែររួបរួមជាតិលេខរៀងទី៣ និងហ៊្វុនស៊ិនប៉ិចស្ថិតក្នុងលេខរៀងទី៤ សម្រាប់ការបោះឆ្នោតជ្រើសតាំងសមាជិកសភាដែលនឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២០១៨។
ការចាប់ឆ្នោតបានប្រព្រឹត្តទៅអគារក្រសួងមហាផ្ទៃ ដោយមានវត្តមានសម្តេចសង្ឃរាជទេព វង្ស និងសម្តេច បួ គ្រី។ សម្តេចសង្ឃ បូ គ្រី បាននិមន្តចាប់សំបុត្រឆ្នោតមុន និងរៀបចំគណបក្សប្រជាជនកម្ពុជាលេខរៀងទី១ នៅព្រឹកថ្ងៃទី៨ ខែមករា ឆ្នាំ២០១៨នេះ។ ការរៀបចំចាប់លេខរៀងនេះ គឺធ្វើឡើងដោយគណៈកម្មាធិការជាតិរៀបចំការបោះឆ្នោតបានរៀបចំចាប់លេខរៀងគណបក្សនយោបាយលើកសន្លឹកឆ្នោតសម្រាប់ការបោះឆ្នោតជ្រើសតាំងសមាជិកព្រឹទ្ធសភា៕
ចែករំលែកព័តមាននេះ