ខេត្តកំពង់ចាម ៖ ទីតាំងក្រុមហ៊ុនលក់ និងចែកចាយត្រីមួយកន្លែង មុខសាលារៀនអនុវត្តន៍(ទន្លេអុំ) ក្នុងភូមិបឹងកុកទី២ សង្កាត់បឹងកុក ក្រុងកំពង់ចាម ដោយសារតែមិនស្តាប់ និងបានរំលោភកិច្ចសន្យា។…
ខេត្តកំពង់ចាម ៖ ទីតាំងក្រុមហ៊ុនលក់ និងចែកចាយត្រីមួយកន្លែង មុខសាលារៀនអនុវត្តន៍(ទន្លេអុំ) ក្នុងភូមិបឹងកុកទី២ សង្កាត់បឹងកុក ក្រុងកំពង់ចាម ដោយសារតែមិនស្តាប់ និងបានរំលោភកិច្ចសន្យា។ ត្រូវបានកម្លាំងសមត្ថកិច្ចចុះទៅពិនិត្យនាព្រឹក ថ្ងៃទី០៧ មករា ២០១៨ ដោយមិនឲ្យមានការដឹកត្រី និងរថយន្តមកឈប់នៅទីតាំងបន្តទៀតនោះទេ ព្រោះតែក្លិនឆ្អេះឆ្អាបបានជះទៅលើសាលារៀន ដែលសិស្សពិបាកនឹងដកដង្ហើម។ លោកវរសេនីយ៍ត្រី ស៊ាម យូសេង អធិការរងនគរបាលក្រុងកំពង់ចាម ប្រាប់ឲ្យដឹងថា នាពេលកន្លងទៅដោយសារតែក្លិនជះចេញពីត្រង់ទីតាំងខាងលើ ចូលទៅបន្ទប់ថ្នាក់រៀនរបស់សិស្សនៅសាលារៀន អនុវត្តន៍ទើបគណៈគ្រប់គ្រងសាលាដាក់ពាក្យបណ្តឹង មកសាលាក្រុងកំពង់ចាម ហើយត្រូវបានលោកអភិបាលក្រុងកោះហៅម្ចាស់ក្រុមហ៊ុនដឹកត្រី ឲ្យធ្វើកិច្ចសន្យាថា មិនឲ្យមានក្លិនជះបែបនេះទៀតទេ។
លោកវរសេនីយ៍ត្រី ស៊ាម យូសេង អធិការរងនគរបាលក្រុងកំពង់ចាម ប្រាប់បន្តថា នៅពេលយប់ៗវិញ
មានរថយន្តជាច្រើនគ្រឿងបានមកឈប់លើចញ្ចើមថ្នល់ ជួនមានពេលខ្លះបានបង្កឲ្យគ្រោះថ្នាក់ចរាចរណ៍
កើតមានផងដែរ។ មិនត្រឹមតែប៉ុណ្ណឹងទេ អ្នកបើកបររថយន្តដឹកត្រី មកពីតាមបណ្តាខេត្តផ្សេងៗ លុះពេលមកឈប់ចាំដឹកត្រី ក៏បានាំគ្នាផ្លោះរបងសាលារៀនចូលទៅបត់ជើងធំ ដាក់ក្នុងបរិវេណសាលា
ពេលព្រឹកឡើងសិស្សនាំគ្នាមករៀនត្រូវទទួលរងក្លិនស្អុយលាមក។ កិច្ចសន្យាមិនត្រឹមតែមានម្ដងនោះ
ទេគឺមានបន្តបន្ទាប់ទៀត។ និងចុងក្រោយក្រោយម្ចាស់ក្រុមហ៊ុននេះបានសន្យានៅសាលាក្រុងកំពង់ចា
មថានៅថ្ងៃទី០១ មករា ២០១៨ និងមិនមានរថយន្តដឹកត្រីមកធ្វើចរាចរណ៍ដឹកបន្តទៀត នៅត្រង់មុខសាលារៀនអនុវត្តន៍ ហើយនឹងរកទីតាំងថ្មីនៅឆ្ងាយពីនេះ ដើម្បីធ្វើយ៉ាងណាកុំឲ្យក្លិនប៉ះពាល់ដល់ពលរដ្ឋ និងសិស្សដែលកំពុងតែរៀនសូត្រ។
តែផ្ទុយទៅវិញរហូតមកដល់ព្រឹកថ្ងៃទី០៧ មករា ២០១៨ មានរថយន្តដឹកត្រីជាច្រើនគ្រឿងបាននៅឈប់ត្រៀបត្រា ដែលខុសពីកិច្ចសន្យាទើបរូបលោកបានចាត់ឲ្យកម្លាំងចុះទៅណែនាំ និងបានឲ្យអ្នកបើកបរលើកធុងដាក់ត្រី ចេញពីទីតាំងនេះដាក់លើរថយន្តដឹកចេញទៅកន្លែងផ្សេងដើម្បីការពារកុំឲ្យមានក្លិនស្អុយជះទៅចូលសាលារៀនបន្តទៀត ហើយក៏ការពារមិនឲ្យអ្នកបើកបររថយន្តដឹកត្រីទៅបន្ទោបង់ក្នុងបរិវេណសាលារៀន ដោយខ្វះអនាម័យជាប្រភពឆ្លងជំងឺផងដែរ។ លោកឧកញ៉ា ហុក ជ្រា ប្រធានក្រុមហ៊ុននាំចូលត្រីពីប្រទេសវៀតណាម ប្រាប់ឲ្យដឹងនៅរសៀលថ្ងៃទី០៧ មករា ២០១៨ថា អ្វីដែលរូបលោកបានធ្វើឡើងនៅក្នុងកិច្ចសន្យានោះ គឺបានគោរពតាមការណែនាំរបស់សាលាក្រុងកំពង់ចាម មិនមានធ្វើអាជីវកម្មចែកចាយត្រីត្រង់ទីតាំងខាងលើទៀតទេ ហើយរថយន្តដែលឈប់ចតនោះមិនមានដឹកត្រីនោះទេ នៅពេលយប់ៗបើចង់ច្បាស់វេលាម៉ោង៩ទៅ១០យប់មកតាមដាននៅកន្លែងរបស់លោកទៅ គ្មានរថយន្តដឹកត្រីបន្តទៀតឡើយ៕
ចែករំលែកព័តមាននេះ