AF កាលីហ៊័្វរនីញ៉ា ជារដ្ឋដែលមានពលរដ្ឋច្រើនបំផុតរបស់អាមេរិកក្លាយជារដ្ឋទី៦ របស់ប្រទេសបានអនុញ្ញាតឱ្យលក់ និងប្រើប្រាស់កញ្ឆាក្នុងគោលបំណងមិនទៅមន្ទីរពេទ្យ ក្រោយពីរដ្ឋកូឡូរ៉ាដូ វ៉ាស៊ីនតោនអូរីហ្គុន អាឡាស្កា និងណាវ៉ាដា ខណៈពេលពលរដ្ឋម៉ាសាឈូសេត និងរដ្ឋម៉េនត្រៀមដើរតាមគន្លងនៅចុងឆ្នាំនេះ ។
រដ្ឋាភិបាលអាមេរិកបានចាត់បញ្ចូលកញ្ឆាស្ថិតក្នុងប្រភេទសារធាតុគ្រប់គ្រងជាថ្នាំញៀនខុសច្បាប់ដូចហេរ៉ូអ៊ីន និងថ្នាំសម្រួលសរសៃប្រសាទ LSD ។ ចាប់ពីថ្ងៃទី១ មករា ២០១៨ តទៅ កញ្ឆាអាចរកទិញបានយ៉ាងស្របច្បាប់នៅរដ្ឋកាលីហ៊័្វរនីញ៉ា ប្រើសម្រាប់ការសប្បាយក្នុងអារម្មណ៍ សម្រាប់ពលរដ្ឋមានអាយុ២១ឆ្នាំឡើង ហើយពលរដ្ឋអាចដាំកញ្ឆាបានក្នុងម្នាក់មិនលើសពី៦តោន និងបំលែងរូបច្នៃជាគ្រាប់ ឬសម្រាប់ជក់មិនឱ្យលើសពី១អោន ។
កាលីហ៊័្វរនីញ៉ាជារដ្ឋដំបូងដែលអនុញ្ញាតឱ្យប្រើកញ្ឆាតាមវិទ្យាសាស្ត្រពេទ្យបាន ដោយការទិញកញ្ឆាតាមច្បាប់ថ្មីដើម្បីសម្រួលអារម្មណ៍ ។
អ្នកជំនាញភាគច្រើនបានយល់ស្របថា ផ្សារកញ្ឆានៅរដ្ឋកាលីហ៊័្វរនីញ៉ា មានទំហំធំស្ថិតនៅលំដាប់ទី៦នៅលើពិភពលោក មានតម្លៃជាច្រើនពាន់លានដុល្លារក្នុងមួយឆ្នាំ និងរំពឹងថាអាចប្រមូលពន្ធពីកញ្ឆាក្នុងមួយឆ្នាំបានមិនតិចជាង១.០០០លានដុល្លារទេ ៕
ចែករំលែកព័តមាននេះ