ខេត្តកណ្តាល ៖ នៅរសៀលថ្ងៃទី០៣ ខែមករា ឆ្នាំ២០១៨ លោក ងួន វុទ្ធី ចៅក្រមស៊ើបសួរសាលាដំបូងខេត្ត បានសម្រេចចេញដីកាឃុំខ្លួនឪពុកចិត្តតិរិច្ឆានរំលោភកូនចុងដោយល្បួងឱ្យជូនទៅជួយលក់សាច់ជ្រូកពេលទៅដល់ក្នុងព្រៃស្ងាត់ចាប់រំលោភ…
ខេត្តកណ្តាល ៖ នៅរសៀលថ្ងៃទី០៣ ខែមករា ឆ្នាំ២០១៨ លោក ងួន វុទ្ធី ចៅក្រមស៊ើបសួរសាលាដំបូងខេត្ត បានសម្រេចចេញដីកាឃុំខ្លួនឪពុកចិត្តតិរិច្ឆានរំលោភកូនចុងដោយល្បួងឱ្យជូនទៅជួយលក់សាច់ជ្រូកពេលទៅដល់ក្នុងព្រៃស្ងាត់ចាប់រំលោភ ដាក់ពន្ធនាគារបណ្តោះអាសន្ន ក្រោមបទ «ប៉ុនប៉ងរំលោភសេពសន្ថវៈមានស្ថានទម្ងន់ដោយសារមធ្យោបាយប្រើប្រាស់ ឬទាក់ទងនិងជនល្មើស» តាមមាត្រា២៧ និងមាត្រា២៤០ នៃក្រមព្រហ្មទណ្ឌ ដោយបទល្មើសនេះត្រូវផ្តន្ទាទោសដាក់ពន្ធនាគារពី៧ឆ្នាំទៅ១៥ឆ្នាំ។
គួររំលឹកថា ជនសង្ស័យខាងលើឈ្មោះ វ៉េង ពីវ ហៅទ្រី ភេទប្រុស អាយុ៤៤ឆ្នាំ មុខរបរលក់ដូរ មានទីលំនៅភូមិតាកែវ២ ឃុំវិហារសួគ៌ ស្រុកខ្សាច់កណ្តាល។ ការឃាត់ខ្លួនឪពុកចុងនេះនៅថ្ងៃទី២ មករា ហើយកើតហេតុថ្ងៃទី៣១ ធ្នូ វេលាម៉ោង៥និង៣០នាទីទៀបភ្លឺ ស្ថិតចំណុចភូមិវិហារសួគ៌ជើង ឃុំវិហារសួគ៌ ស្រុកខ្សាច់កណ្តាល ចំណែកក្មេងស្រីរងគ្រោះអាយុ១៣ឆ្នាំ។
នគរបាលស្រុកខ្សាច់កណ្តាលបានឱ្យដឹងថា នៅអំឡុងខែមិថុនា ឆ្នាំ២០១៧ ម្តាយកុមារីរងគ្រោះបានលែងលះជាមួយប្តីដើម បន្ទាប់មកបានស្រលាញ់ និងសែនព្រេនជាមួយជនសង្ស័យជាប្តីប្រពន្ធ ហើយស្នាក់នៅផ្ទះជួលក្នុងក្រុមហ៊ុនជាមួយកូនស្រី និងប្ដីចុង ដើម្បីប្រកបមុខរបររកស៊ី។ កន្លងមក ជនសង្ស័យតែងតែបៀតបៀនទៅលើក្មេងស្រីរងគ្រោះជាកូនចុងដូចជា អោបថើប ច្របាច់សុដន់ តែក្មេងស្រីរងគ្រោះមិនដែលនិយាយរឿងហេតុប្រាប់ម្តាយទេ ព្រោះខ្លាចម្តាយពិបាកចិត្ត រហូតដល់ថ្ងៃទី៣០ ធ្នូ វេលាម៉ោង៨យប់ក្មេងស្រីរងគ្រោះ និងមិត្តភក្តិបានចេញពីផ្ទះជួលទៅមើលល្ខោនបាសាក់នៅជិតផ្ទះ។
នគរបាលបន្តថា រហូតដល់ម៉ោង២រំលងអធ្រាត្រឈានចូលថ្ងៃទី៣១ ធ្នូ ទើបក្មេងស្រីរងគ្រោះត្រឡប់ពីមើលល្ខោនវិញឡើងទៅដេកលើឡៅតឿក្នុងផ្ទះម្នាក់ឯង ចំណែកជនសង្ស័យដេកជាមួយប្រពន្ធនៅលើគ្រែក្នុងផ្ទះជួលដែរ ស្រាប់តែម៉ោង៥ទៀបភ្លឺជនសង្ស័យក្រោកពីដេកលបឡើងទៅលើឡៅតឿនោះ ក៏ចាប់ថើបក្មេងស្រីរងគ្រោះពេលកំពុងដេកលង់លក់ ។ ភ្លាមនោះក្មេងរងគ្រោះភ្ញាក់ដឹងខ្លួននិយាយថា «ធ្វើអីអញ្ចឹង» ជនសង្ស័យនិយាយថា «ក្រោកឡើង! ទៅជួយដាក់សាច់ឲ្យម៉ូយ ចំណែកម្តាយឯងក្រោកទៅលក់សាច់ជ្រូកនៅឯផ្សារបាត់ហើយ» ។
នគរបាលបន្តទៀតថា ក្រោយមកជនសង្ស័យឌុបក្មេងស្រីរងគ្រោះចេញពីផ្ទះជួល តែមិនបានទៅដាក់សាច់ជ្រូកឲ្យម៉ូយទេ បែរជាឌុបទៅក្រោយរោងចក្រជាកន្លែងស្ងាត់ ហើយឈប់ម៉ូតូធ្វើល្បិចនិយាយថា «គេឲ្យមកយកជ្រូកងាប់នៅនឹង» រីឯក្មេងស្រីរងគ្រោះនិយាយថា «ជ្រូកងាប់អីនៅកន្លែងស្ងាត់នឹង» ។
ពេលនោះក្មេងស្រីរងគ្រោះបានចុះពីលើម៉ូតូបំរុងរត់មកផ្ទះវិញ តែត្រូវជនសង្ស័យជិះម៉ូតូដេញតាម ហើយចុះពីលើម៉ូតូស្ទុះទៅចាប់ក្មេងស្រីរងគ្រោះជាប់ ថែមទាំងខ្ទប់មាត់អូសចូលវាលស្មៅចាប់ស្រាតខោ និងធ្វើសកម្មភាពរំលោភរហូតសម្រេច។ លុះថ្ងៃទី១ មករា វេលាម៉ោង៤រសៀល ក្មេងស្រីរងគ្រោះបានប្រាប់បងជីដូនមួយ បន្ទាប់មកបាននាំដាក់ពាក្យបណ្តឹងនៅប៉ុស្តិ៍នគរបាលរដ្ឋបាលវិហារសួគ៌៕
ចែករំលែកព័តមាននេះ