ខេត្តពោធិ៍សាត់ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍ដ៏រន្ធត់ បានកើតឡើងកាលពីវេលាម៉ោង០៤ និង៤០នាទីរសៀលថ្ងៃទី០២ មករា ត្រង់ចន្លោះគីឡូម៉ែត្រលេខ១៥៩-១៦០ ស្ថិតនៅភូមិសារវន្ត ឃុំស្នាយអន្សារ…
ខេត្តពោធិ៍សាត់ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍ដ៏រន្ធត់ បានកើតឡើងកាលពីវេលាម៉ោង០៤ និង៤០នាទីរសៀលថ្ងៃទី០២ មករា ត្រង់ចន្លោះគីឡូម៉ែត្រលេខ១៥៩-១៦០ ស្ថិតនៅភូមិសារវន្ត ឃុំស្នាយអន្សារ ស្រុកក្រគរ ខេត្តពោធិ៍សាត់ ដែលបណ្តាលឱ្យមនុស្សចំនួន១១នាក់ត្រូវស្លាប់និងរងរបួសធ្ងន់យ៉ាងអាណោអាធ័ម ។
សេចក្តីរាយការណ៍បន្តថា អ្នករងគ្រោះទាំង១១នាក់ ក្នុងនោះមានស្លាប់៦នាក់ (ប្រុស២) និងរងរបួសធ្ងន់៥នាក់ (ស្រី) ដោយត្រូវបានបញ្ជូនទៅសង្គ្រោះនៅមន្ទីរពេទ្យខេត្តពោធិ៍សាត់ ។ ដោយឡែក សាកសព៦នាក់ គឺត្រូវស្គាល់ម្នាក់ គឺជាប្រធានក្រុមប្រឹក្សាស្រុកក្រគរ ដោយពេលនេះសាកសពត្រូវបានប្រគល់ទៅដល់ដៃក្រុមគ្រួសារបាន៥នាក់ហើយ នៅសល់ម្នាក់មិនទាន់រកសាច់ញាតិឃើញ កំពុងតម្កល់នៅសាលនៃមន្ទីរពេទ្យខេត្តពោធិ៍សាត់ ដើម្បីរង់ចាំសាច់ញាតិមកទទួល ។
ទាក់ទិនករណីគ្រោះថ្នាក់ចរាចរណ៍នេះផងដែរ គឺក្រោយពេលមានរថយន្តចំនួន៣គ្រឿងបានបើកបុកគ្នាយ៉ាងទំហឹង ទី១-គឺរថយន្តម៉ាកកូរ៉ូឡា ២-រថយន្តក្រុងកាពីតូល និង៣-រថយន្តយីឌុប ។ ប្រភពជំហានដំបូងទៀតថា មុនពេលកើតហេតុ គឺរថយន្តក្រុងកាពីតូលធ្វើដំណើរក្នុងទិសដៅពីកើត ទៅលិច ។ លុះមកដល់ចំណុចកើតហេតុ មិនដឹងមានមូលអ្វីទេក៏បានជ្រុលបុកជាមួយរថយន្តម៉ាកកូរ៉ូឡាដែលជារបស់មន្ត្រីក្រុមប្រឹក្សាស្រុកក្រគរនោះ (បញ្ច្រាសគ្នា) រួចហើយរថយន្តក្រុងក៏បន្តទៅបុកជាមួយរថយន្តយីឌុបធុនធំមួយគ្រឿងទៀត ទើបទៅមុខលែងរួចតែម្តង ។
ចែករំលែកព័តមាននេះ