ខេត្តតាកែវ ៖ ស្ត្រីជាម្តាយចុង និងបុរសម្នាក់ជាឪពុកបង្កើតរបស់ក្មេងរងគ្រោះត្រូវបានចោទប្រកាន់ថា បានរួមដៃគ្នាធ្វើទារុណកម្មលើកុមារី០២នាក់ ហើយនារីជាម្តាយបង្កើតរបស់ក្មេងទាំង២ បានអំពាវនាវឱ្យប៉ូលិសជួយអន្តរាគមន៍នូវអំពើហិង្សានេះផង ។ ហេតុការណ៍បានកើតឡើងនៅរសៀលថ្ងៃទី០១ ខែមករា ឆ្នាំ២០១៨ នៅភូមិ ដំណាក់ទ្រព្យខាងត្បូង ឃុំក្រាំងស្នាយ ស្រុកឈូក ខេត្តតកំពត ។
កុមារីទាំង០២នាក់ទី០១-ឈ្មោះ ង .ស.ម អាយុ១៤ឆ្នាំ រៀនថ្នាក់ទី០៩ ត្រូវជាបង និងកុមារីទី០២-ឈ្មោះង.សណ អាយុ០៩ឆ្នាំ រៀននៅសាលាបឋមសិក្សាវត្តស្ទឹង ។
រីឯម្តាយបង្កើតរបស់កុមារីទាំងពីរនាក់ឈ្មោះង៉ែត ចិន្តា អាយុ២៧ឆ្នាំ មុខរបរលក់ខោអាវ រស់នៅភូមិឡូរី សង្កាត់រកាក្នុង ក្រុងដូនកែវ ខេត្តតាកែវជាមួយម្តាយរបស់ខ្លួន ក្រោយពីបានលែងលះជាមួយប្តីខាងលើ ។
កុមារីទាំងពីរបានរៀបរាប់ទាំងទឹកភ្នែកប្រាប់ឲ្យដឹងថា ពួកគេទាំងពីរនាក់សព្វថ្ងៃរស់នៅជាមួយឪពុកបង្កើត និងម្តាយចុងហើយពេលខ្លះត្រូវម្តាយប្រើធ្វើការសព្វបែបយ៉ាង ទាំងការងារធ្ងន់ ទាំងការងារស្រាល ពេលធ្វើខុសក៏ម្តាយវ៉ៃ ត្រូវក៏ម្តាយវ៉ៃជារឿយៗនៅម៉ោង០៣ទៅ០៤ទាបភ្លឺ ម្តាយចុងបានពួកគេទាំងពីរនាក់ក្រោកឡើងធ្វើការងារផ្ទះ ហើយបើក្រោកយឺត គឺម្តាយចុងវ៉ៃមិនរើសមុខ ប្រទះអីវ៉ៃហ្នឹង ។ ដែលម្តាយចុងឈ្មោះរ៉ង ស្រីលីន អាយុ២៦ឆ្នាំ មុខរបរលក់ដូរ ចំណែកឪពុកបង្កើតឈ្មោះង៉ែត សាវី អាយុជាង៣០ឆ្នាំ មុខរបររត់តាក់ស៊ី រស់នៅជាមួយប្រពន្ធចុងពេលដែលឪពុកមកពីរត់ឡានម្តងៗប្រពន្ធចុងទូលពិតរឿងកូនចេះរឿងកូនចុះ ស្រាប់តែឪពុករូបនោះវ៉ៃកូនខ្លួនតែម្តង ដោយមិនសួរពីហេតុផលអ្វីទាំងអស់ ។
សូមបញ្ជាក់ កុមារីទាំងពីរនាក់ខាងលើបានសុំឪពុក និងម្តាយចុងមកលេងផ្ទះយាយដែលម្តាយដើម(ម៉ែបង្កើត) រស់នៅជាមួយ ។ ពេលឲ្យទៅផ្ទះវិញ មិនព្រមទៅរស់នៅជាមួយឪពុក និងម្តាយចុងនៅស្រុកឈូកវិញទេ ព្រោះខ្លាចម្តាយចុង និងឪពុកវ៉ៃធ្វើបាបទៀត ។ ថ្មីៗនេះឪពុកអប្រិយបានគម្រាមកូនបន្ថែមទៀតថា ប្រយ័ត្នអញវ៉ៃទៀតពេលដែលអញទៅយកមកវិញ ។ ម្យ៉ាងទៀតកុមារីទាំងពីរនាក់នេះដែលម្នាក់ប្អូន ដោយសារការវ៉ៃធ្វើបាបខ្លាំងពេកសភាពពេលនេះមើលទៅរាងភាំងៗ(សតិមិនល្អ) ញាក់ញ័រភ័យខ្លាច ហើយឈឺក្បាលជាប់មិនដាច់ទៀតផង ៕
ចែករំលែកព័តមាននេះ