ខេត្តសៀមរាប ៖ អនុវត្តតាមការណែនាំពីសំណាក់លោកឧត្តមសេនីយ៍ត្រី ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប នាថ្ងៃទី២៩ ខែធ្នូ ឆ្នាំ២០១៧ នៅស្នងការដ្ឋាននគរបាលខេត្តផែនអត្តសញ្ញាណកម្មបានរៀបចំពិធីប្រជុំបូកសរុបការងារប្រចាំខែធ្នូ…
ខេត្តសៀមរាប ៖ អនុវត្តតាមការណែនាំពីសំណាក់លោកឧត្តមសេនីយ៍ត្រី ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប នាថ្ងៃទី២៩ ខែធ្នូ ឆ្នាំ២០១៧ នៅស្នងការដ្ឋាននគរបាលខេត្តផែនអត្តសញ្ញាណកម្មបានរៀបចំពិធីប្រជុំបូកសរុបការងារប្រចាំខែធ្នូ ឆ្នាំ២០១៧ ក្រោមអធិតីភាពលោកឧត្តមសេនីយ៍ត្រី កែវ រក្សា ស្នងការរងនគរបាលខេត្តទទួលផែនអត្តសញ្ញាណកម្មដោយមានការចូលរួមពីសំណាក់អស់លោកនាយ នាយរងការិយាល័យ និងមន្ត្រីជំនាញចំណុចផែនអត្តសញ្ញាណកម្មអស់លោកអធិការរងទាំង១២ ក្រុង/ស្រុក រួមទាំងនាយផ្នែកអញ្ជើញចូលរួមជាច្រើននាក់ទៀតផងដែរ ។ 
បន្ទាប់ពីអស់លោកមន្ត្រីជំនាញ តាមបណ្ដា អធិការដ្ឋាន នគរបាលក្រុង/ស្រុក បានឡើងរាយការណ៍អំពីការអនុវត្តជំនាញក្នុងការបម្រើសេវាសាធារណៈជូនប្រជាពលរដ្ឋរបស់ខ្លួនជូនអង្គពិធីរួចមកនៅក្នុងអង្គពិធីបានធ្វើការពិភាក្សា ផ្លាស់ប្ដូរយោបល់ និង បញ្ហាប្រឈមនានានិងបទពិសោធន៍ល្អល្អៗដើម្បីយកទៅអនុវត្តបន្តឱ្យមានប្រសិទ្ធិភាពខ្ពស់ ។
អញ្ជើញមានប្រសាសន៍នៅក្នុងពិធីនាឱកាសនោះដែរលោកឧត្តមសេនីយ៍ត្រី កែវ រក្សា ស្នងការរងនគរបាលខេត្តទទួលផែនអត្តសញ្ញាណកម្ម បានថ្លែងនូវការកោតសរសើរដល់កងកម្លាំងនគរបាលជំនាញទាំងអស់ដែលកន្លងមកបាន ខិតខំប្រឹងប្រែង ក្នុងការអនុវត្តភារកិច្ចជំនាញនិងតួនាទីរបស់ខ្លួនទន្ទឹមនឹងនេះសូមឱ្យកម្លាំងទាំងអស់ត្រូវបង្កើនការយកចិត្តទុកដាក់អនុវត្តបន្តនូវតួនាទីនិងភារកិច្ចជំនាញរបស់ខ្លួនក្នុងការបំពេញភារកិច្ចជំនាញពង្រឹងការអនុវត្តនូវលិខិតបទដ្ឋាន និងច្បាប់របស់រដ្ឋ និងឯកសារពាក់ព័ន្ធឱ្យបានត្រឹមត្រូវរាល់ បណ្តាលអធិការនគរបាលក្រុង/ស្រុកពិសេសប៉ុស្តិនគរបាលរដ្ឋបាល ត្រូវបន្តការងារបំរើ សេវាសាធារណះចុះធ្វើ សៀវភៅ ស្នាក់នៅ សៀវភៅគ្រួសារ និង អត្តសញ្ញាណប័ណ្ណ ជូនប្រជាពលរដ្ឋឱ្យបានកាន់តែល្អនិងបន្តចុះសាកសួរសុខទុក្ខដល់ខ្នងផ្ទះប្រជាពលរដ្ឋត្រូវបន្តបើកវេទិការសាធារណៈជូនប្រពលរដ្ឋ និង ធ្វើការផ្សព្វផ្សាយនូវគោលនយោបាយ ភូមិ/ឃុំ មានសុវត្ថិភាព ជូនប្រជាពលរដ្ឋចលនាប្រជាការពារចូលរួមចំណែកក្នុងការរក្សា សន្តិសុខ សុវត្ថិភាព និង សណ្តាប់ធ្នាប់ សង្គមបង្ការ ទប់ស្កាត់បទល្មើសគ្រប់ប្រភេទ ។
ក្នុងនោះកម្លាំងយើងទាំងអស់ ត្រូវមានសាមគ្គីភាព ឯកភាព ផ្ទៃក្នុង និង កិច្ចសហការគ្នាល្អជាមួយ អង្គភាពពាក់ព័ន្ធ ក្នុងកិច្ចសហ ប្រតិបត្តិការណ៍ បង្ការទប់ស្កាត់ និង បង្ក្រាបបទល្មើសរក្សានូវ សន្តិសុខ សុវត្ថិភាព និង សណ្តាប់ធ្នាប់ សង្គមជូនប្រជាពលរដ្ឋយើងឱ្យបានកាន់តែល្អប្រសើរទ្វេឡើងថែមទៀត ៕
ចែករំលែកព័តមាននេះ