ខេត្តប៉ៃលិន ៖ ករណីគ្រោះថ្នាក់ចរាចរណ៍ចំនួន០១លើករវាងម៉ូតូបុកជាមួយនឹងម៉ូតូដោយជិះស្របទិសគ្នាបណ្តាលឱ្យមនុស្សរងរបួសធ្ងន់ចំនួនម្នាក់ និងស្រាលម្នាក់នៅចំណុចលើផ្លូវជាតិលេខ៥៧A ស្ថិតក្នុងភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិន ។
ជនបង្កហេតុឈ្មោះតិប សាវិន ភេទប្រុស អាយុ២៨ឆ្នាំ រស់នៅភូមិអូរច្រាលើ សង្កាត់ទួលល្វា ក្រុងប៉ៃលិន ខេត្តប៉ៃលិន មុខរបរលក់ដូរ រងរបួសធ្ងន់ បើកបរម៉ូតូពណ៌ខ្មៅ មិនស្គាល់ស៊េរីគ្មានស្លាកលេខ ខូចខាតធ្ងន់ ។ ចំណែកភាគីរងគ្រោះឈ្មោះ អុន ស៊ីថា ភេទប្រុស អាយុ២៨ឆ្នាំ រស់នៅភូមិវត្ត សង្កាត់ប៉ៃលិន ក្រុងប៉ៃលិន មុខរបរនគរបាលរងរបួសស្រាល បានជិះម៉ូតូស៊េរី ២០១៥ ពណ៌ខ្មៅ គ្មានស្លាកលេខ ។
ហេតុការណ៍នេះបណ្តាលមកពីកត្តាមនុស្សបើកបរខ្វះការប្រុងប្រយ័ត្ន និងមានល្បឿនលឿនបានបុកពីក្រោយពេញទំហឹងបណ្តាលឱ្យរបួសធ្ងន់ស្រាលតែម្តង ។ ករណីនេះសមត្ថកិច្ចជំនាញខេត្តបានចុះវាស់វែង និងយកទៅរក្សាទុកនៅការិយាល័យនគរបាលចរាចរណ៍ផ្លូវគោក នៃស្នងការដ្ឋានខេត្ត ដើម្បីរង់ចាំការដោះស្រាយ ចំណែកជនរងគ្រោះបានបញ្ជូនទៅសង្គ្រោះនៅមន្ទីរពេទ្យបង្អែកខេត្តប៉ៃលិន ៕
ចែករំលែកព័តមាននេះ