ខេត្តប៉ៃលិន ៖ បន្ទាប់ពីផ្លូវជាតិ១កន្លែង រងការខូចខាតបន្តិចម្តងៗ រហូតដល់ធ្វើឱ្យអ្នកបើកបរម៉ូតូដួលជាញឹកញាប់ ខណៈគេមិនឃើញខាងអាជ្ញាធរស្រុកសាលាក្រៅ និងមន្ទីរសាធារណការ និងដឹកជញ្ជូនខេត្តប៉ៃលិនរៀបចំជួសជុល មកដល់ព្រឹកថ្ងៃទី២៧ ខែធ្នូ…
ខេត្តប៉ៃលិន ៖ បន្ទាប់ពីផ្លូវជាតិ១កន្លែង រងការខូចខាតបន្តិចម្តងៗ រហូតដល់ធ្វើឱ្យអ្នកបើកបរម៉ូតូដួលជាញឹកញាប់ ខណៈគេមិនឃើញខាងអាជ្ញាធរស្រុកសាលាក្រៅ និងមន្ទីរសាធារណការ និងដឹកជញ្ជូនខេត្តប៉ៃលិនរៀបចំជួសជុល មកដល់ព្រឹកថ្ងៃទី២៧ ខែធ្នូ ឆ្នាំ២០១៧ នេះប្រជាពលរដ្ឋរស់នៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ បានធ្វើការរិះគន់ថា មិនគួរអាជ្ញាធរស្រុកសាលាក្រៅ និងមន្ទីរពាក់ព័ន្ធព្រងើយកន្តើយ និងផ្លូវជាតិលេខ៥៧ ដែលទទួលរងការខូចខាតតិចតួចទុកឱ្យខូចក្លាយទៅជាជង្ហុកកាន់តែធំបែបនេះនោះទេ ។
ប្រជាពលរដ្ឋជាច្រើននាក់បានឱ្យភ្នាក់ងារសារព័ត៌មានដឹងថា ផ្លូវជាតិលេខ៥៧ កែងនឹងផ្លូវក្រាលកៅស៊ូ ត្រង់ចំណុចសំបុកចាប ក្នុងភូមិផ្សារព្រំ ទទួលរងការខូចខាតអស់រយៈពេលជាយូរយាណាស់មកហើយ តែគេមិនធ្លាប់ឃើញលោកអភិបាលស្រុកសាលាក្រៅ និងខាងមន្ទីរសាធារណការខេត្តប៉ៃលិន យកចិត្តទុកដាក់ជួសជុលនោះឡើយ ។
ប្រភពបន្តទៀតថា គេសង្កេតឃើញទឹកលូស្អុយហូរនៅលើផ្លូវខាងលើនេះដែរ តែគ្មានអាជ្ញាធរមូលដ្ឋានណាម្នាក់ អើពើជួសជុលជីកកកាយកន្លែងទឹកស្ទះនោះឡើយ ប្រហែលជាទុកឱ្យខូចខាតកាន់តែធំទើបធ្វើថ្មី ។ ម្យ៉ាងវិញទៀតកម្មករ-កម្មការិនី និងបុគ្គលិកកាស៊ីណូ ដែលជិះម៉ូតូទៅធ្វើការពេលថ្ងៃ និងយប់តែងតែដួលជាញឹកញាប់ ធ្វើឱ្យរងរបួសធ្ងន់ និងស្រាលព្រមទាំងខាតបង់ពេលវេលា និងទ្រព្យសម្បត្តិផងដែរ ។
ចំណែកភ្ញៀវទេសចរជាតិ និងអន្តរជាតិដែលធ្វើដំណើរឆ្លងកាត់ព្រំដែនកម្ពុជាថៃមកលេងនៅក្នុងក្រុងប៉ៃលិនបានរិះគន់ថា ផ្លូវខាងលើជាផ្លូវអន្តរជាតិមិនគួរណាបណ្តែតបណ្តោយឱ្យមានទឹកស្អុយហូរឆ្លងកាត់ជះក្លិនអាសោច ហើយទទួលរងការខូចខាតក្លាយទៅជាជង្ហុកតូចធំបែបនេះដែរ គួរតែយកចិត្តទុកដាក់ជួសជុលឱ្យបានទាន់ពេលវេលា ដើម្បីរក្សាអនាម័យបរិស្ថាន និងធ្វើឱ្យមានសោភ័ណភាព ច្រកទ្វារអន្តរជាតិផងដែរ ។ ប្រភពបន្តទៀតថា បើសិនជាបណ្តែតបណ្តោយបែបនេះទៀតនាំឱ្យខូចខាតកាន់តែខ្លាំងឡើងៗ ហើយក៏នាំឱ្យចំណាយថវិកាជាតិ ក្នុងការជួសជុលកាន់តែច្រើនផងដែរ ៕
ចែករំលែកព័តមាននេះ