ខេត្តប៉ៃលិន ៖ នៅក្នុងសាលប្រជុំធំនៃស្នងការដ្ឋាននគរបាលខេត្តប៉ៃលិន បានប្រារព្ធកម្មវិធីប្រកាសលិខិតបង្គាប់ការ ចូលកាន់មុខតំណែងថ្នាក់អធិការនគរបាលក្រុង-ស្រុក ខេត្តប៉ៃលិននារសៀលថ្ងៃទី២៥ ខែធ្នូ ឆ្នាំ២០១៧ ក្រោមអធិបតីភាព លោកឧត្តមសេនីយ៍ត្រីជា…
ខេត្តប៉ៃលិន ៖ នៅក្នុងសាលប្រជុំធំនៃស្នងការដ្ឋាននគរបាលខេត្តប៉ៃលិន បានប្រារព្ធកម្មវិធីប្រកាសលិខិតបង្គាប់ការ ចូលកាន់មុខតំណែងថ្នាក់អធិការនគរបាលក្រុង-ស្រុក ខេត្តប៉ៃលិននារសៀលថ្ងៃទី២៥ ខែធ្នូ ឆ្នាំ២០១៧ ក្រោមអធិបតីភាព លោកឧត្តមសេនីយ៍ត្រីជា ចាន់ឌិន ស្នងការនគរបាលខេត្ត ដោយមានការអញ្ជើញចូលរួមពីលោកឡូ លុយ អភិបាលរងស្រុកសាលាក្រៅ និងកងកម្លាំងនគរបាលក្រោមឱវាទចូលរួមសរុបចំនួន១២០នាក់ (ស្រី០៣នាក់) ។
លោកឧត្ដមសេនីយ៍ត្រីជា ចាន់ឌិន ស្នងការនគរបាលខេត្តមានប្រសាសន៍ និងណែនាំមួយចំនួនថា មេដឹកនាំត្រូវតែចេះគ្រប់គ្រងកងកម្លាំងរបស់ខ្លួនឱ្យបានហ្មត់ចត់ ហើយលោកអធិការនគរបាលថ្មី ត្រូវយកចិត្តទុកដាក់លើកិច្ចការងាររដ្ឋបាល និងខិតខំបម្រើសេវាសាធារណជូនដល់ប្រជាពលរដ្ឋឱ្យបានល្អប្រសើរ និងត្រូវមានកិច្ចសហការល្អជាមួយអាជ្ញាធរដែនដីពាក់ព័ន្ធ ។ លោកបន្តទៀតថា មន្ត្រីនគរបាលយុត្តិធម៌ទាំងអស់ត្រូវមានកិច្ចសហការល្អជាមួយស្ថាប័នតុលា និងអយ្យការអមសាលាដំបូងខេត្ត ។ លើសពីនេះនគរបាលយុត្តិធម៌ត្រូវយកចិត្តទុកដាក់លើភូមិ-ឃុំមានសុវត្ថិភាព ។
កងកម្លាំងអធិការនគរបាលក្រុង-ស្រុក និងនាយបុស្តិ៍នគរបាលរដ្ឋបាលទាំងអស់ត្រូវមានកងកម្លាំងប្រចាំបញ្ជារជាប់ជានិច្ច ។ ត្រូវចេះសាមគ្គីភាព និងឯកភាពផ្ទៃក្នុងគ្នាឲ្យបានល្អ ម្យ៉ាងវិញទៀត លំហូរការណ៍គ្រប់យ៉ាងត្រូវតែច្បាស់លាស់ជាក់លាក់ និងទុកចិត្តបាន ។ ហើយបញ្ហាដែលសំខាន់ជាងនេះ គឺកងកម្លាំងទាំងអស់ត្រូវគោរពពេលវេលាម៉ោងធ្វើការឱ្យបានល្អ ។
សូមបញ្ជាក់ថា ស្នងការនគរបាលខេត្តបង្គាប់ការលោកយ៉ែម សារិទ្ធ ជានាយរងនគរបាលប្រឆាំងនឹងការជួញដូរមនុស្ស និងការពារអានីតិជនឱ្យក្លាយទៅជាអធិការនគរបាលក្រុងប៉ៃលិន លោកចាន់ វាសនា ជានគរបាលប្រឆាំងបទល្មើសសេដ្ឋកិច្ចឱ្យទៅជាអធិការនគរបាលស្រុកសាលាក្រៅ ៕
ចែករំលែកព័តមាននេះ