ខេត្តប៉ៃលិន ៖ សមត្ថកិច្ចនគរបាលរដ្ឋបាលឃុំស្ទឹងកាច់បានចុះបង្ក្រាបចាប់បានក្មេងទំនើងចំនួន៣នាក់ ដែលប្រដាប់ដោយដាវសាម៉ូរ៉ៃចំនួន១ដើម និងជំពាមកៅស៊ូចំនួន១ដើម គ្រាប់សម្រាប់បាញ់ជំពាមចំនួន៦គ្រាប់ ។ ហេតុការណ៍នេះបានកើតឡើងកាលពីវេលាម៉ោង១១នឹង៣០នាទីយប់ ថ្ងៃទី២៥ ខែធ្នូ…
ខេត្តប៉ៃលិន ៖ សមត្ថកិច្ចនគរបាលរដ្ឋបាលឃុំស្ទឹងកាច់បានចុះបង្ក្រាបចាប់បានក្មេងទំនើងចំនួន៣នាក់ ដែលប្រដាប់ដោយដាវសាម៉ូរ៉ៃចំនួន១ដើម និងជំពាមកៅស៊ូចំនួន១ដើម គ្រាប់សម្រាប់បាញ់ជំពាមចំនួន៦គ្រាប់ ។ ហេតុការណ៍នេះបានកើតឡើងកាលពីវេលាម៉ោង១១នឹង៣០នាទីយប់ ថ្ងៃទី២៥ ខែធ្នូ ឆ្នាំ២១០៧ នៅចំណុចភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពបន្តទៀតថា ក្មេងទំនើងទី១-ឈ្មោះ ធៀវ ឆៃ ភេទប្រុស អាយុ១៧ឆ្នាំ ជាកសិករ រស់នៅភូមិក្រចាប់ សង្កាត់អូរតាវ៉ៅ ក្រុងប៉ៃលិន (ជាម្ចាស់ដាវសាម៉ូរ៉ៃ), ទី២-ឈ្មោះ សាន់ ចាន់ដារ៉ូ ភេទប្រុស អាយុ១៦ឆ្នាំ ជាសិស្ស រស់នៅភូមិព្រៃមង្គល សង្កាត់អូរតាវ៉ៅ ក្រុងប៉ៃលិន (ជាអ្នករួមដំណើរជាមួយឈ្មោះខាងលើ) និងទី៣-ឈ្មោះ ភៅ ចាន់ ភេទប្រុស អាយុ២១ឆ្នាំ ជាកសិករ រស់នៅភូមិអូរឈើក្រំ ឃុំស្ទឹងត្រង់ ស្រុកសាលាក្រៅ (ជាម្ចាស់ជំពាមកៅស៊ូ) ។
ប្រភពបញ្ជាក់ថា ដោយឃើញក្មេងទំនើងខាងលើជួបជុំគ្នាបម្រុងនឹងធ្វើសកម្មភាពវាយកាប់ចាក់គ្នា លុះទទួលបានដំណឹងពីប្រជាពលរដ្ឋទើបសមត្ថកិច្ចចុះប្រតិបត្តិការបង្ក្រាបតែម្តង ។ លុះបន្ទាប់ពីសួរនាំរួចក៏បញ្ជូនបន្តដើម្បីធ្វើការតាមនីតិវិធី ៕
ចែករំលែកព័តមាននេះ