រាជធានីភ្នំពេញ ៖ យុវជនពីរនាក់ក្នុងចំណោមបក្សពួកជាច្រើននាក់ ត្រូវបានរងរបួសធ្ងរ បន្ទាប់ពីរាំវង់ក្នុងកម្មវិធីមង្គលការគេចប់ ធ្វើសកម្មភាពដេញកាប់គ្នាយ៉ាងសាហាវ ជាមួយនិងយុវជនមួយក្រុមទៀត បង្កការភ្ញាក់ផ្អើលឡើង កាលពីវេលាម៉ោង០១ និង១០នាទីរំលងអធ្រាត្រឈានចូលថ្ងៃទី២៥…
រាជធានីភ្នំពេញ ៖ យុវជនពីរនាក់ក្នុងចំណោមបក្សពួកជាច្រើននាក់ ត្រូវបានរងរបួសធ្ងរ បន្ទាប់ពីរាំវង់ក្នុងកម្មវិធីមង្គលការគេចប់ ធ្វើសកម្មភាពដេញកាប់គ្នាយ៉ាងសាហាវ ជាមួយនិងយុវជនមួយក្រុមទៀត បង្កការភ្ញាក់ផ្អើលឡើង កាលពីវេលាម៉ោង០១ និង១០នាទីរំលងអធ្រាត្រឈានចូលថ្ងៃទី២៥ ធ្នូ ស្ថិតខាងជើងសាកលវិទ្យាល័យអន្តរជាតិអាយយូ តាមបណ្តោផ្លូវបេតុង ក្នុងភូមិសែនសុខទី៦ សង្កាត់ឃ្មួញ ខណ្ឌសែនសុខ។
តាមប្រភពឱ្យដឹងថា នៅមុនពេលកើតហេតុ កាលពីល្ងាចថ្ងៃទី២៤ ធ្នូ មានកម្មវិធីមង្គលការនៅក្នុងភូមិសែនសុខទី៧ លុះដល់ពេលយប់ក៏មានវិធីរាំរែកយ៉ាងសប្បាយកុះករនៅក្នុងរោងមង្គលការនោះ ហើយការរាំងរែកក៏ត្រូវបានបញ្ចប់នៅម៉ោង១២យប់ដោយមិនមានបញ្ហាអ្វីនោះទេ។ លុះដល់វេលាកើតហេតុខាងលើ ស្រាប់តែមានក្មេងស្ទាវចំនួនពីរក្រុមមិនដឹងថាមកពីណានោះទេ មួយក្រុមៗមានគ្នាជាងដប់នាក់ប្រដាប់ដោយដាវនិងដំបងគ្រប់ដៃ បានធ្វើការរត់ដេញកាប់គ្នាទៅវិញទៅមកបណ្តាលអោយយុវជនម្នាក់រងរបួសរយះមាត់និងដៃខាងឆ្វេង ហើយបានរត់ចូលទៅក្នុងផ្ទះនៅក្បែរកន្លែងកើតហេតុត្រូវបានសាច់ញាតិដឹកតាមរ៉ឺម៉កម៉ូតូយកទៅសង្គ្រោះនៅមន្ទីរពេទ្យព្រះកុសុមៈ និងយុវជនម្នាក់ទៀតត្រូវបានយុវជនបង្កព្រួតគ្នាកាប់ចិញ្ច្រាំបណ្តាលឲ្យដាច់ម្រាមដៃខាងឆ្វេងនិងបែកក្បាលដេកសន្លប់ក្នុងថ្លុកឈាមនៅកណ្តាលផ្លូវត្រង់ចំណុចកើតហេតុ និងមានបន្សល់ទុកដាវកែច្នៃមួយដើម្បីនិងដំបង់ជាច្រើនកំណាត់នៅនិងកន្លែងកើតហេតុ។
ក្រោយពេលកើតហេតុ ជនរងគ្រោះខាងរថយន្តសាមុយដឹកយកទៅសង្គ្រោះនៅមន្ទីរពេទ្យព្រះកុសុមៈ។ បច្ចុប្បន្នសមត្ថកិច្ចកំពុងធ្វើការស្រាវជ្រាវវែករកមុខជនសង្ស័យយកទៅដាក់ទោសទៅតាមផ្លូវច្បាប់៕
ចែករំលែកព័តមាននេះ