អង្គការសហប្រជាជាតិ ៖ ប្រធានាធិបតីអាមេរិកស្ថិតនៅឯកោជាថ្មីលើឆាកអន្តរជាតិ ។ មហាសន្និបាត អ.ស.ប បានអនុម័តដោយសំឡេងភាគច្រើនកាលពីថ្ងៃទី២១ ធ្នូ នូវដំណោះស្រាយមួយដែលថ្កោលទោសការទទួលស្គាល់របស់លោកត្រាំ ក្រុងហ្សេរុយសាឡឹម…
អង្គការសហប្រជាជាតិ ៖ ប្រធានាធិបតីអាមេរិកស្ថិតនៅឯកោជាថ្មីលើឆាកអន្តរជាតិ ។ មហាសន្និបាត អ.ស.ប បានអនុម័តដោយសំឡេងភាគច្រើនកាលពីថ្ងៃទី២១ ធ្នូ នូវដំណោះស្រាយមួយដែលថ្កោលទោសការទទួលស្គាល់របស់លោកត្រាំ ក្រុងហ្សេរុយសាឡឹម ថា ជារដ្ឋធានីអ៊ីស្រាអែល ។
ក្នុងចំណោមប្រទេសទាំង១៩៣ ជាសមាជិក អ.ស.ប ប្រទេស១២៨ បោះឆ្នោតគាំទ្រដំណោះស្រាយនេះ ។ ប្រទេស៩គឺសហរដ្ឋអាមេរិក អ៊ីស្រាអែល ហ្គាតេម៉ាឡា ហុងឌូរ៉ាស់ តូហ្គោ មីក្រូនេស៊ី ណូរូ ប៉ាឡាវ (PALAOS) និងម៉ាសាល់ បានបោះឆ្នោតប្រឆាំង ។
ដោយខ្លាចការគំរាមកំហែង និងការគាបសង្កត់របស់អាមេរិករដ្ឋ៣៥ បានបោះឆ្នោតអនុប្បវាទ ហើយប្រទេស២១ ពុំចូលរួមក្នុងការបោះឆ្នោត ។
ដំណោះស្រាយនេះពុំមែនជាការចាប់បង្ខំឡើយរួចរដ្ឋការអាមេរិកឱ្យដឹងថា ខ្លួននឹងពុំប្តូរជំហរឡើយ ។ ឯកអគ្គរដ្ឋទូតអាមេរិកប្រចាំ អ.ស.ប លោកស្រីនីកគី ហាឡី មុនពេលបោះឆ្នោតនិយាយថា សហរដ្ឋអាមេរិកនឹងពុំអើពើចំពោះទិវាបោះឆ្នោតនេះដែលនៅមុខមហាសន្និបាត អ.ស.ប បំបិទសិទ្ធិរបស់យើងជាប្រទេសអធិបតេយ្យមួយ ។ យើងនឹកតែដល់ពេលគេនឹងស្នើយើងជាថ្មីម្តងទៀតនូវការជួយបង់វិភាគទានហិរញ្ញវត្ថុយ៉ាងច្រើនសម្រាប់ អ.ស.ប ។ លោកស្រីគំរាមជាថ្មីថា នឹងចាយវាយប្រាក់អាមេរិកឱ្យបានល្អនាពេលអនាគត ។
កាលពីថ្ងៃទី១៨ ធ្នូ ពេលមានការបោះឆ្នោតអនុម័តដំណោះស្រាយទាមទារឱ្យអាមេរិកលុបចោលវិញ ការសម្រេចទទួលស្គាល់ទីក្រុងហ្សេរុយសាឡឹមជារដ្ឋធានីអ៊ីស្រាអែលសហរដ្ឋអាមេរិកធ្លាប់គំរាមបែបនេះរួចមកហើយ ។ ក្នុងក្រសែភ្នែកច្រឡោត ពេលនោះលោកស្រីហាឡី និយាយថា នេះជាការប្រមាថមួយដែលយើងនឹងពុំភ្លេចឡើយ ៕
ចែករំលែកព័តមាននេះ