អាល់បានីជាប្រទេសមួយប្រឈមមុខលើការខូចខាតនៅតំបន់ឆ្នេរជាប់សមុទ្រអេឌ្រីយ៉ាទិក ដោយសារតែបម្រែបម្រួលអាកាសធាតុ រួមទាំងការអភិវឌ្ឍទីក្រុងយ៉ាងឆាប់រហ័ស ប៉ុន្តែខ្វះចំណាត់ការ ។ បញ្ហាទាំងនេះបានបង្កឱ្យតំបន់ឆ្នេរបាត់បង់យ៉ាងឆាប់រហ័ស ខណៈពេលអ្នកជំនាញផ្នែកបរិស្ថានពីមហាវិទ្យាល័យប៉ូលិស ក្នុងទីក្រុងទីរ៉ាណា បង្ហាញឱ្យដឹងថា សមុទ្រកំពុងតែសងសឹកលើមនុស្សដែលទន្ទ្រាននិងបំផ្លិចបំផ្លាញធម្មជាតិ ។
ក្នុងរយៈពេលប៉ុន្មានឆ្នាំកន្លងមក បាតុភូតនានាហាក់ដូចជាគ្មានអ្វីធ្ងន់ ពិសេសនៅបរិវេណខាងកើតភាគខាងជើង តាមមាត់សមុទ្រនៅក្បែរអគារចំណាស់ក្នុងទីក្រុង Shengjin ឃើញថាមានដុំឈើ ឬគល់ឈើពុកជាច្រើនដើមអណ្តែតទើរនៅលើឆ្នេរដោយបរិវេណនេះធ្លាបប់ជាតំបន់ព្រៃខណ្ឌចែករវាងសមុទ្រ និងបឹងដ៏ធំ ។
ទិន្នន័យបានបង្ហាញថានៅតំបន់ឆ្នេរមានប្រវែង៤២៧គីឡូក្រាម របស់អាល់បានី បច្ចុប្បន្នមាន១៥៤ទីតាំងបានខូចខាតពីការហូរច្រោះ ។ ផលប៉ះពាល់នៅពេលក្រោយគឺសត្វព្រៃកំពុងបាត់បង់ទីជម្រក ដូចជាសត្វទុង មាននៅសេសសល់៧.០០០ក្បាល បានថយចុះពី៥០.០០០ក្បាលតាំងពីឆ្នាំ១៩៧០មក ។
អ្នកស្រុកដែលរស់នៅតំបន់នោះបានបង្ហាញកង្វល់ថារយៈពេលមិនយូរទេតំបន់នោះអាចវិនាសប្រសិនបើរដ្ឋាភិបាលមិនរិះរកវិធីសាស្ត្រការពារឱ្យបានត្រឹមត្រូវ ព្រោះពួកគេបានចងចាំព្រឹត្តិការណ៍ដ៏អាក្រក់មួយនៅចុងឆ្នាំ២០០៩ ដែលកើតពីគ្រោះទឹកជំនន់ធ្វើឱ្យលិចភូមិ ៕
ចែករំលែកព័តមាននេះ