ប្រទេសអូស្ត្រាលី ៖ មនុស្ស១៣នាក់រងរបួសកាលពីថ្ងៃទី២១ ធ្នូ ក្នុងនោះមានកុមារម្នាក់ដោយសាររថយន្តមួយគ្រឿងបើកបំបុកមនុស្សម្នាដែលកំពុងដើរនៅឯស្ថានីយរថយន្ត FLINDERS STREET ក្នុងសង្កាត់មានមនុស្សច្រើនកុះករនៃទីក្រុងមែលប៊ន ជាទីក្រុងធំទី២របស់អូស្ត្រាលី ។
អាជ្ញាធរនិយាយថា នេះជាអំពើដោយចេតនាមួយ ។ បណ្តាសារព័ត៌មានរៀបរាប់ពីមនុស្ស១៦នាក់រងរបួស ។
កាសែត SKY NEWS AUSTRALIA និយាយថា កុមារម្នាក់រងរបួសត្រង់ក្បាលបញ្ជូនទៅមន្ទីរពេទ្យក្នុងស្ថានភាពធ្ងន់ធ្ងរ ។
ប៉ូលិសអូស្ត្រាលីបានចាប់ខ្លួនអ្នកបើករថយន្តនេះ ព្រមទាំងមនុស្សម្នាក់ទៀត ។
ទូរទស្សន៍រៀបរាប់ថា រថយន្តធុន 4×4 SUSUKI ពណ៌ស មានមនុស្សជិះ២នាក់ ត្រូវគេបើកបំបុកមនុស្សម្នាដោយពុំបានបង្អន់ល្បឿន មុនពេលទៅបុកជាប់នឹងបង្គោលមួយ ។
មកទល់ពេលនេះ គេនៅពុំទាន់ដឹងពីមូលហេតុនៃការបើកបំបុកមនុស្សនេះនៅឡើយ ៕
ចែករំលែកព័តមាននេះ