ស៊ូ យ៉ាទី នៅតែជាតួអង្គសំខាន់ក្នុងក្រសែភ្នែកអ្នកគាំទ្របាល់ទាត់កម្ពុជា
- ភ្នំពេញ
រាជធានីភ្នំពេញ ៖ បន្ទាប់ពីមានការប្រកួតរវាងក្រុមបាល់ទាត់បឹងកេត និងក្រុម Sanna Khan Hoa របស់វៀតណាម កាលពីរាត្រីថ្ងៃទី១៣ ធ្នូ…
រាជធានីភ្នំពេញ ៖ បន្ទាប់ពីមានការប្រកួតរវាងក្រុមបាល់ទាត់បឹងកេត និងក្រុម Sanna Khan Hoa របស់វៀតណាម កាលពីរាត្រីថ្ងៃទី១៣ ធ្នូ…
រាជធានីភ្នំពេញ ៖ បន្ទាប់ពីមានការប្រកួតរវាងក្រុមបាល់ទាត់បឹងកេត និងក្រុម Sanna Khan Hoa របស់វៀតណាម កាលពីរាត្រីថ្ងៃទី១៣ ធ្នូ ហើយធ្វើឱ្យអ្នកចាំទីដ៏ឆ្នើមរបស់ក្រុមបឹងកេតគឺកីឡាករ ស៊ូ យ៉ាទី រងរបួសធ្ងន់ គេកត់សម្គាល់ថា កីឡាកររូបនេះទទួលបានការលើកទឹកចិត្តកាន់តែខ្លាំងពីអ្នកគាំទ្រ ។
បើទោះជាស្ថានភាពចង្កេះដែលបានធ្វើទុក្ខមិនទាន់ជាសះ១០០ភាគរយ ក៏មានការអះអាងថា មិនប៉ះពាល់ចំពោះការលេងរបស់លោកនៅពេលក្រោយនោះដែរ ដោយសារតែរបួសនោះគឺអាចប៉ះប៉ូវបាន។
អ្វីដែលគេមើលឃើញច្បាស់នឹងភ្នែកនោះ គឺលោកនៅតែជាតួអង្គសំខាន់ក្នុងពិភពបាល់ទាត់កម្ពុជាដោយសារតែសមត្ថភាពចាំទីមានការកើនឡើងជាបន្តបន្ទាប់ និងកាន់តែលេងបានល្អនាពេលចុងក្រោយ ។
យោងតាមការបញ្ជាក់នៅលើអាក់ខោនហ្វេសប៊ុក ស្ថានភាពរបស់ស៊ូ យ៉ាទី មិនគួរឱ្យបារម្ភទៀតទេ បន្ទាប់ពីលោកទទួលការព្យាបាលពីក្រុមគ្រូពេទ្យនៅមន្ទីរពេទ្យកាល់ម៉ែត ហើយបានទាំងអនុញ្ញាតឱ្យលោកចេញពីមន្ទីរពេទ្យ អាចដើរហើរបានដូចអ្នកមិនមានបញ្ហាឆ្អឹងទូទៅដែរ ។ ក្នុងពេលលោកប៉ះទង្គិចភ្លាមៗ គេឃើញអ្នកគាំទ្រភ័យស្លន់ស្លោ ព្រោះតែការប៉ះទង្គិចនោះគឺមានសភាពធ្ងន់រហូតធ្វើឱ្យលោកឈរ និងធ្វើចលនាលែងកើត។
ទោះបីយ៉ាងណា ក្រោយការប៉ះទង្គិចបណ្ដាលឱ្យរងរបួសភ្លាម កីឡាករ ស៊ូ យ៉ាទី បានអះអាងនៅក្នុងទំព័រហ្វេសប៊ុកថា របួសរបស់លោកបានធូរស្រាលច្រើនហើយ ប៉ុន្ដែខាងក្រុមគ្រូពេទ្យតម្រូវឱ្យលោកបន្តសម្រាកព្យាបាលដើម្បីតាមដានស្ថានភាពជំងឺបន្ថែមទៀតសិន ទោះបីជាលោកត្រូវក្រុមគ្រូពេទ្យអនុញ្ញាតឱ្យចេញពីគ្រែសម្រាក ក៏មិនទាន់អាចទៅហ្វឹកហាត់ ឬធ្វើសកម្មភាពកីឡាណាមួយដែលបណ្ដាលឱ្យប៉ះពាល់ដល់ទីតាំងឆ្អឹងរបួសនោះដែរ ។
ក្នុងពេលសម្រាកនៅមន្ទីរពេទ្យ គេឃើញកីឡាកររូបនេះនៅតែមានកីឡាករល្បីចេញចូលទៅសួរសុខទុក្ខជាប្រចាំ ដែលអាចនិយាយបានស្ថានភាពរបួសរបស់លោកគឺជាក្ដីបារម្ភរបស់មិត្តរួមក្រុម ហើយក៏បានបង្ហាញថា លោកជាកីឡាករសំខាន់ម្នាក់ដែលមានប្រជាប្រិយភាពក្នុងក្រុម ពោលគឺមិនមែនជាកីឡាករដែលខ្វះទំនាក់ទំនង និងមានការកាច់កុងគ្នាក្នុងក្រុមដូចគ្នានឹងកីឡាករលេចធ្លោមួយចំនួននោះដែរ ។
លោកត្រូវគេអះអាងថា ជាកីឡាករដែលមានទំនាក់ទំនងល្អទាំងជាមួយមិត្តរួមក្រុម និងក្រៅក្រុម ហើយអ្នកគាំទ្រលោកក៏មានចំនួនច្រើនមិនចាញ់កីឡាករល្បីឈ្មោះផ្សេងទៀតនោះទេ ជាពិសេសចាប់តាំងពីលោកក្លាយជាអ្នកចាំទីលំដាប់ជួរមុខ ។ ជាក់ស្ដែងស្ថានភាពរបួសរបស់លោកមិនមែនជាលើកទី១នោះទេ ហើយមិត្តរួមអាជីព និងអ្នកគាំទ្រក៏មិនមែនទើបតែសស្រាក់សស្រាំនឹងការយកចិត្តទុកដាក់នោះដែរ គឺមានការស្រឡាញ់រាប់អានចំពោះលោកបែបនេះជាយូរមកហើយ ។
លោកបានប្រកាសក្រោយពេលរបួសថា នឹងខិតខំហ្វឹកហាត់ឱ្យឆ្អឹងរបួសមានសភាពដូចដើម ហើយបង្ហាញខ្លួនក្នុងក្រុមបឹងកេតឱ្យកាន់តែខ្លាំង ដោយលោកប្រកាសថា គ្មានការដោះដូរក្រុម និងគ្មានការដកចោលពីក្រុមនៅពេលលោកមានបញ្ហា ឬមានរបួសណាមួយនោះទេ ។ ការប្រកាសថា ស្ថានភាពរបួសរបស់លោកមានសភាពល្អប្រសើរ បានធ្វើឱ្យអ្នកគាំទ្រត្រេកអរយ៉ាងខ្លាំង ជាពិសេសភរិយារបស់លោក និងអ្នកគាំទ្រដែលសុទ្ធតែចង់ឃើញលោកត្រឡប់មកកាន់តួនាទីក្នុងក្រុមជាថ្មីឱ្យបានឆាប់។
គួរបញ្ជាក់ថា ស៊ូ យ៉ាទី ជាកីឡាករល្បីឈ្មោះកើតនៅថ្ងៃទី១៧ ធ្នូ ឆ្នាំ១៩៩១ ដែល
កាលពីមុន លោកគឺជាសមាជិកសំខាន់ម្នាក់ក្នុងក្រុមភ្នំពេញក្រោន ហើយបានក្លាយជាកីឡាករល្បីឈ្មោះក្នុងក្រុមជម្រើសជាតិកម្ពុជាទៀតផង ។
លោកក៏មានប្រវត្តិលេងឱ្យក្រុមក្រសួងការពារជាតិ កាលពីមុនផងដែរ ដោយកាលពីឆ្នាំ២០១១ លោកក៏ជាសមាជិកក្នុងក្រុមកងទ័ពនាយកដ្ឋានភស្តុភារក្នុងពេលកេរ្តិ៍ឈ្មោះមិនទាន់ល្បីខ្លាំងក្លានៅឡើយ ។ លោកជាកីឡាករល្បីឈ្មោះដែលបានបង្ហាញខ្លួនលើកដំបូងនៅក្រៅប្រទេសក្នុងជំនួបមិត្តភាពនៅលើទីលានបាល់ទាត់ប្រទេសហ្វីលីពីន កាលពីថ្ងៃទី៥ ខែកញ្ញា ឆ្នាំ២០១២ ដែលកាលនោះលោកបានជួយក្រុមទទួលបានលទ្ធផលស្មើ ។
កីឡាករ ស៊ូ យ៉ាទី បានអះអាងថា លោកកាន់តែមានសមត្ថភាពខ្លាំងនៅក្នុងពេលនេះ ដោយសារតែលោកយកតម្រាប់តាមអាយដលគឺ កីឡាករ គួច សុកុម្ភៈ ដោយក្រោយមកតាមការបង្វឹករបស់គ្រូបរទេសគឺលោក Iker Casillas លោក Lee Tae Hoon និងលោក Alex Ferguson ជាដើម កាន់តែធ្វើឱ្យលោកឈានឡើង៕
ចែករំលែកព័តមាននេះ