ខេត្តបន្ទាយមានជ័យ ៖ លោកតា អ៊ុ ប្លែក អតីតជាមេភូមិអង្គាបុស្ស ឃុំកោះពងសត្វ ស្រុកមង្គលបូរី នាអំឡុងឆ្នាំ១៩៨៧-១៩៨៨ តែដោយគាត់កាលណោះមានការទៅប្រជុំនៅសាលាស្រុកមង្គលបូរី…
ខេត្តបន្ទាយមានជ័យ ៖ លោកតា អ៊ុ ប្លែក អតីតជាមេភូមិអង្គាបុស្ស ឃុំកោះពងសត្វ ស្រុកមង្គលបូរី នាអំឡុងឆ្នាំ១៩៨៧-១៩៨៨ តែដោយគាត់កាលណោះមានការទៅប្រជុំនៅសាលាស្រុកមង្គលបូរី បានដើរឆ្លងស្ពាន រអិលធ្លាក់ចូលប្រឡាយជាហេតុបង្កឲ្យគាត់ឈឺធ្លាក់ខ្លួនពិការជើងទាំង២ រួមទាំងមានកូនស្រីម្នាក់ទៀតក្រោយពីមានប្តីក៏ធ្លាក់ខ្លួនពិការភ្នែកទាំង២ដែរ ដោយបន្សល់ទុកកូនប្រុសម្នាក់ឲ្យបងស្រីរ៉ាប់រងចិញ្ចឹម។ តែឥឡូវ នេះលោកតា អ៊ុ ប្លែក បានទទួលមរណភាពនៅអាយុ៨៩ឆ្នាំ នៅព្រឹកថ្ងៃ៣កើត ខែបុស្ស ឆ្នាំរកា នព្វស័ក ព,ស២៥៦១ ថ្ងៃទី២០ ខែធ្នូ ឆ្នាំ២០១៧នេះ ដោយបន្សល់ទុកកូនស្រីពិការភ្នែកម្នាក់ និងចៅប្រុសម្នាក់កំពុងសិក្សា។ ដោយពិនិត្យឃើញជីវភាពជាក់ស្តែង របស់លោកតា អ៊ុ ប្លែក ឯកឧត្តម រ័ត្ន ស្រ៊ាង អតីតមេបញ្ជាការ កងរាជអាវុធហត្ថខេត្តបន្ទាយមានជ័យ ក៏បានជួយឧបត្ថម្ភជារៀងរាល់ខែនូវអង្ករ និងថវិកា សម្រាប់ចិញ្ចឹមជីវិត ក្នុងគ្រួសារនេះ។
ទោះបីជាឯកឧត្តម រ័ត្ន ស្រ៊ាង បានត្រូវផ្លាស់ប្តូរភារកិច្ចទៅបម្រើការងារជាមេបញ្ជាការ កងរាជអាវុធហត្ថនៅរាជធានីភ្នំពេញ និងជាមេបញ្ជាការរងកងយោធពលខេមរភូមិន្ទក្តី ក៏ឯកឧត្តមបានផ្តាំផ្ញើដល់មេបញ្ជាការកងរាជអាវុធហត្ថខេត្តជាបន្តបន្ទាប់ ជួយផ្គត់ផ្គង់លើជីវភាពរបស់លោកតាផងដែរ។ ជាក់ស្តែងនៅ ថ្ងៃ៣កើត ខែបុស្ស ឆ្នាំរកានព្វស័ក ព,ស២៥៦១ ថ្ងៃទី ២០ ខែធ្នូ ឆ្នាំ២០១៧នេះ លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យ តំណាងលោក ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ព្រមទាំងសហការីជាច្រើននាក់ បាននាំយកអំណោយរបស់អង្គភាពអាវុធហត្ថ រួមមាន អង្ករ១ការ៉ុង ទឹកត្រី៣យួរ ទឹកស៊ីអ៊ីវ៣យួរ ព្រមទាំងថវិកាមានចំនួន១.២០០.០០០រៀលយកទៅចូលរួមបុណ្យសពលោកតា អ៊ុ ប្លែក អាយុ៨៩ឆ្នាំ ដែលកំពុង ធ្វើបុណ្យសពតាមប្រពៃណីនៅភូមិ អង្គាបុស្ស ឃុំកោះពងសត្វ ក្រុងសិរីសោភ័ណ ខេត្តបន្ទាយមានជ័យតាមការគួរ។
ក្នុងនោះលោកវរៈឯក ស ប៊ុនសឿង បានមានប្រសាសន៍ក្នុងកន្លែងបុណ្យសពថា៖ កាលពីលោកតា អ៊ុ ប្លែក នៅរស់គាត់មានកូនស្រីម្នាក់ទៀតពិការភ្នែកដូចរូបគាត់ដែរ ដោយមើលឃើញក្រុមគ្រួសារពិបាកក្នុងការរកស៊ីចិញ្ចឹមជីវិតខ្លាំងពេក ទើបលោកឧត្តមសេនីយ៍ឯក រ័ត្ន ស្រ៊ាង អតីតមេបញ្ជាកងរាជអាវុធហត្ថខេត្តបន្ទាយមានជ័យ បច្ចុប្បន្នមេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុហត្ថរាជធានីភ្នំពេញ បានជួយចិញ្ចឹម លោកតា និងកូនពិការភ្នែករយៈពេល៥ឆ្នាំ ក្នុង១ខែគាត់បានជួយឧបត្ថម្ភមានថវិកា២០ម៉ឺនរៀល និងអង្ករ ៣២គីឡូ រហូតដល់ថ្ងៃគាត់ស្លាប់។ លោកវរៈឯក ស ប៊ុនសឿង បានបញ្ជាក់ឲ្យដឹងទៀតថា កូនលោកតា អ៊ុ ប្លែក រស់នៅដោយពិការភ្នែកតែម្នាក់ឯង ដោយគ្មានអ្នកទីពឹងនោះ លោកយកទៅជម្រាបថ្នាក់លើដើម្បីជួយដោះស្រាយបន្តទៀត៕
ចែករំលែកព័តមាននេះ