ខេត្តប៉ៃលិន ៖ រថយត្តច្នៃបុកជាមួយម៉ូតូបត់ឆ្វេងមិនមើលក្រោយ បណ្តាលឱ្យរងរបួសស្រាល២នាក់ ត្រូវបានគេបញ្ជូនទៅលាងរបួសនៅមណ្ឌលសុខភាពភ្នំស្ពង់ ។ ចំណែកឯម៉ូតូទទួលរងការខូចខាតស្រាល ត្រូវបានម្ចាស់យកទៅជួសជុលនៅក្រុងប៉ៃលិន ។ ហេតុការណ៍នេះ…
ខេត្តប៉ៃលិន ៖ រថយត្តច្នៃបុកជាមួយម៉ូតូបត់ឆ្វេងមិនមើលក្រោយ បណ្តាលឱ្យរងរបួសស្រាល២នាក់ ត្រូវបានគេបញ្ជូនទៅលាងរបួសនៅមណ្ឌលសុខភាពភ្នំស្ពង់ ។ ចំណែកឯម៉ូតូទទួលរងការខូចខាតស្រាល ត្រូវបានម្ចាស់យកទៅជួសជុលនៅក្រុងប៉ៃលិន ។
ហេតុការណ៍នេះ បានកើតឡើងកាលពីវេលាម៉ោង0១និង១៣នាទីរសៀល ថ្ងៃទី១៩ ខែធ្នូ ឆ្នាំ២០១៧ ស្ថិតនៅត្រង់ចំណុចភូមិភ្នំស្ពុង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដែលបណ្តាលឲ្យរងរបួសស្រាល០២នាក់ ខូចខាតម៉ូតូ១គ្រឿង ។
ប្រភពព័ត៌មានពីនគរបាលចរាចរណ៍ បានឱ្យដឹងថា អ្នកបើកបរម៉ូតូឈ្មោះ ឆុន ឈឿន ភេទប្រុស អាយុ៣១ឆ្នាំ រស់នៅភូមិកំពុងចំឡងក្រោម ឃុំតាគ្រី ស្រុកកំរៀង ខេត្តបាតដំបង របួសស្រាល ដោយបើកបរម៉ូតូម៉ាកហុងដាអិមអេសអិច (HONDA MSX) ពណ៌ក្រហម គ្មានស្លាកលេខ រងការខូចខាតស្រាល ។
ចំណែកអ្នករួមដំណើរម្នាក់ ឈ្មោះ សាញ់ ឆេង ភេទប្រុស អាយុ៣២ឆ្នាំ រស់នៅភូមិកំពង់ចំឡងក្រោម ឃុំតាគ្រី ស្រុកកំរៀង ខេត្តបាត់ដំបង រងរបួសស្រាល ។
ប្រភពដដែលបន្តទៀតថា អ្នកបើកបររថយន្ដច្នៃឈ្មោះ អៀង សល្យ អាយុ២៧ឆ្នាំ រស់នៅភូមិវាល ឃុំសាលាក្រៅ ស្រុកសាលាក្រៅ ខេត្តប៉ៃលិន គ្មានរបួស ។ មុនពេលកើតហេតុ គេឃើញរថយន្តបើកបរក្នុងទិសដៅពីត្បូងទៅជើង ស្រាប់តែមានម៉ូតូ១គ្រឿងបត់ឆ្វេងមើលក្រោយ ក៏ត្រូវរថយន្តបុកពេញទំហឹង បណ្តាលឱ្យដួលរងរបួសតែម្តង ។ ក្រោយពីធ្វើការវាស់វែង នគរបាលបាននាំជនរងគ្រោះ និងម្ចាស់រថយន្តទៅ ដើម្បីសងថ្លៃការខូចខាត និងអប់រំ ឱ្យបើកបរត្រូវតាមផ្លូវច្បាប់ផងដែរ ៕
ចែករំលែកព័តមាននេះ