ខេត្តកំពង់ឆ្នាំង ៖ ស្ត្រីម្នាក់បានស្លាប់ និងម្នាក់របួសធ្ងន់ ក្នុងហេតុការណ៍គ្រោះថ្នាក់ចរាចរមួយ ដែលកើតឡើងនៅលើផ្លូវក្រាលគ្រោះក្រហមស្ថិតក្នុងចំណុចភូមិទ័ពបោះ ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង ។…
ខេត្តកំពង់ឆ្នាំង ៖ ស្ត្រីម្នាក់បានស្លាប់ និងម្នាក់របួសធ្ងន់ ក្នុងហេតុការណ៍គ្រោះថ្នាក់ចរាចរមួយ ដែលកើតឡើងនៅលើផ្លូវក្រាលគ្រោះក្រហមស្ថិតក្នុងចំណុចភូមិទ័ពបោះ ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង ។ ហេតុការនេះ បានកើតឡើងកាលពីវេលាម៉ោង១២និង៥០នាទីថ្ងៃត្រង់ ថ្ងៃទី១៩ ខែឆ្នូ ឆ្នាំ២០១៧ ខណៈដែលរថយន្តម៉ាកស៊ីណាមួយគ្រឿង បើកលឿនជាន់ហ្វ្រាំងបង្ខំ បណ្តាលឲ្យក្រឡាប់ធ្លាក់ផ្លូវ ។
អាជ្ញាធរមូលដ្ឋានបានឲ្យដឹងថា មុនពេលកើតហេតុ មានរថយន្តម៉ាកតូយ៉ូតាស៊ីណា ពណ៌ស ពាក់ស្លាកលេខ ភ្នំពេញ ២AK-៧៤០៥ បើកបរដោយឈ្មោះ ស៊ី ផាត ភេទប្រុស អាយុ៥៣ឆ្នាំ រស់នៅភូមិធ្លករលើង ឃុំក្រាំងល្វា ស្រុកសាមគ្គីមានជ័យ បានដឹកភ្ញៀវទៅភ្នំពេញ ក្នុងល្បឿនយ៉ាងលឿន លុះមកដល់ចំណុចកើតហេតុ បានជាន់ហ្វ្រាំងបង្ខំ បណ្ដាលឲ្យរេចង្កូតក្រឡាបធ្លាក់ផ្លូវចូលក្នុងព្រៃ ។ ក្នុងហេតុការនោះ បណ្ដាលឲ្យស្ត្រីឈ្មោះ សួន ថន អាយុ៦៨ឆ្នាំ រស់នៅភូមិធ្លករលើង ឃុំក្រាំងល្វា ស្រុកសាមគ្គីមានជ័យ បានស្លាប់ក្នុងរថយន្ត ចំណែកស្ត្រីម្នាក់ទៀតឈ្មោះ ឌួង ផង់ ភេទស្រី អាយុ៤០ឆ្នាំ រស់នៅភូមិឃុំជាមួយគ្នាជនរងគ្រោះបានរបួសធ្ងន់ ។ ក្រោយពេលកើតហេតុ អ្នកបើកបររថយន្តបានរត់គេចខ្លួនបាត់ ។
សមត្ថកិច្ចបានទៅពិនត្យកន្លែងកើតហេតុ ដើម្បីធ្វើការវាស់វែង និងបានប្រគល់សពស្ត្រីរងគ្រោះទៅក្រុមគ្រួសារយកទៅធ្វើបុណ្យតាមប្រពៃណី ចំណែកជនរងគ្រោះត្រូវក្រុមគ្រួសារបញ្ជូនទៅព្យាបាលនៅមន្ទីរពេទ្យបង្អែកស្រុកកំពង់ត្រឡាច ។ ដោយឡែក រថយន្តត្រូវបានកម្លាំងនគរបាលអូសយកមករក្សារទុកនៅប៉ុស្តិ៍រដ្ឋបាលធ្លកវៀន ៕
ចែករំលែកព័តមាននេះ