រាជធានីភ្នំពេញ ៖ សេចក្តីរាយការណ៍បឋមឱ្យដឹងថា បុរសឃាតករចាក់សម្លាប់នារីខារ៉ាអូខេ «ដឹឃ្វីន» ម្នាក់ ត្រូវសមត្ថកិច្ចតាមស្រាវរហូតឃាត់ខ្លួន ដោយបញ្ជូនមកដល់អធិការដ្ឋានសែនសុខ កាលពីវេលាម៉ោង១១ព្រឹកថ្ងៃទី១៩ ធ្នូ នេះ ក្រោយស្រាវជ្រាវរកឃើញនៅក្នុងទឹកដីខេត្តតាកែវ ។
គួរបញ្ជាក់ថា កាលវេលាម៉ោង០៨ និង៣០នាទីព្រឹកថ្ងៃដដែល កម្លាំងនគរបាលព្រហ្មទណ្ឌនៃស្នងការដ្ឋាននគរបាលខេត្តតាកែវ បានសហការជាមួយកម្លាំងនគរបាល នៃអធិការដ្ឋាននគរបាលខណ្ឌសែនសុខ រាជធានីភ្នំពេញ ធ្វើការឃាត់ខ្លួនជនសង្ស័យជាឃាតករលើឈ្មោះ ស៊ុយ មេសា ហៅលូ អាយុ២២ឆ្នាំ ជាលក់អាវជជុះ ស្នាក់នៅភូមិត្រាំ សង្កាត់រកាក្រៅ ក្រុងដូនកែវ ខេត្តតាកែវ ដោយជននេះមានជាប់ពាក់ព័ន្ធករណីឃាតកម្មសម្លាប់នារីខារ៉ាអូខេ «ដឹឃ្វីន» កាលពីវេលាម៉ោង១១ និង៣០នាទីយប់ ថ្ងៃទី១៥ វិច្ឆិកា ស្ថិតត្រង់ចំណុចបន្ទប់ជួលលេខ១០២ ជាន់ទី១ ក្នុងភូមិទ្រុងមាន់ សង្កាត់អូបែកក្អម ខណ្ឌសែនសុខ ។
គួររំលឹកថា នារីបម្រើការក្នុងខារ៉ាអូខេម្នាក់ បានស្រែកឱ្យគេជួយ ដោយមានស្នាមចាក់នៅត្រង់ពោះ និងដៃ ហើយក្រោយមក ក៏បានដាច់ខ្យល់ស្លាប់ពេលបញ្ជូនសង្គ្រោះនៅមន្ទីពេទ្យ ដែលករណីនេះ សង្ស័យជាករណីជាឃាតកម្ម កើតឡើងកាលពីវេលាម៉ោង១១ និង៣០នាទីយប់ ថ្ងៃទី១៥ វិច្ឆិកា ស្ថិតត្រង់ចំណុចបន្ទប់ជួលលេខ១០២ ជាន់ទី១ ក្នុងភូមិទ្រុងមាន់ សង្កាត់អូបែកក្អម ខណ្ឌសែនសុខ ។ នារីរងគ្រោះខាងលើ ឈ្មោះ សេក ស៊ីយ៉ា ជាអ្នកបំរើការនៅក្នុងខារ៉ាអូខេ «ដឹឃ្វីន» ស្នាក់នៅកន្លែងកើតហេតុខាងលើ និងមានស្រុកកំណើរនៅខេត្តកំពត ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ