ខេត្តប៉ៃលិន ៖ កាលពីវេលាម៉ោង១១និង០០នាទីព្រឹក ថ្ងៃទី១៨ ខែធ្នូ ឆ្នាំ២០១៧ កម្លាំងការិយាល័យព្រហ្មទណ្ឌកំរិតធ្ងន់ បានសហការជាមួយកម្លាំងអធិការដ្ឋាននគរបាលស្រុកសាលាក្រៅ និងកម្លាំងប៉ុស្តិ៍រដ្ឋបាលឃុំស្ទឹងត្រង់ បានធ្វើការស្រាវជ្រាវបង្ក្រាប…
ខេត្តប៉ៃលិន ៖ កាលពីវេលាម៉ោង១១និង០០នាទីព្រឹក ថ្ងៃទី១៨ ខែធ្នូ ឆ្នាំ២០១៧ កម្លាំងការិយាល័យព្រហ្មទណ្ឌកំរិតធ្ងន់ បានសហការជាមួយកម្លាំងអធិការដ្ឋាននគរបាលស្រុកសាលាក្រៅ និងកម្លាំងប៉ុស្តិ៍រដ្ឋបាលឃុំស្ទឹងត្រង់ បានធ្វើការស្រាវជ្រាវបង្ក្រាប និងចាប់ឃាត់ខ្លួនជនសង្ស័យម្នាក់ឈ្មោះ ថុង សុខុម ភេទប្រុស អាយុ២៤ឆ្នាំ រស់នៅភូមិព្រៃសន្ទះ ឃុំស្ទឹងត្រង់ ស្រុកសាលាក្រៅ ដែលបានយកកូនកាំបិតចាក់ទៅលើបុរសម្នាក់បានហើយ ។
ហេតុការណ៍ចាប់ជនសង្ស័យនេះ បានធ្វើឡើងនៅចំណុចចំការដំឡូង ស្ថិតក្នុងភូមិព្រៃសន្ទះ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
https://kohsantepheapdaily.com.kh/article/570383.html
សូមបញ្ជាក់ថា កាលពីវេលាម៉ោង០៩និង៤៥នាទីយប់ ថ្ងៃទី១៥ ខែធ្នូ ឆ្នាំ២០១៧ ត្រង់ចំណុចវត្តព្រៃសន្ទះ ក្នុងភូមិព្រៃសន្ទះ ឃុំស្ទឹងត្រង់ បុរសចំណាស់ម្នាក់បានស្លាប់ភ្លាមៗនៅនឹងកន្លែង ខណ:កំពុងអង្គុយហូបបាយសុខៗ ស្រាប់តែយុវជនសង្ស័យម្នាក់ បានទាញយកកាំបិតចិតបន្លែ ចុងស្រួចស្ទុះទៅចាក់ចំឆ្អឹងជំនីផ្នែកខាងឆ្វេង (ដោះ) ចំនួន២កាំបិត បណ្តាលឱ្យដេកដួលស្លាប់ក្នុងថ្លុកឈាម ដោយសារតែទាស់ពាក្យសម្តីបន្តិចបន្តួចរវាងគ្នានឹងគ្នា ។
ក្រោយចាក់សម្លាប់បុរសរងគ្រោះរួច ជនសង្ស័យបានដាក់មេប្រូចរត់គេចខ្លួន ។ ជនរងគ្រោះមានឈ្មោះ រដ្ឋ បញ្ញា ភេទប្រុស អាយុ៥៤ឆ្នាំ ជាជាងសំណង់ មានទីលំនៅក្នុងភូមិបឹងត្រគួន ឃុំឃ្លាំងមាស ស្រុកបវេល ខេត្តបាត់ដំបង ។
មុនពេលកើតហេតុ ជនរងគ្រោះ និងជនសង្ស័យបានឈ្លោះទាស់ទែងពាក្យសម្តីរវាងគ្នានឹងគ្នា បន្ទាប់ពីផឹកស្រាស្រវឹង ។ ពេលនោះជនសង្ស័យបានចងគំនុំនៅក្នុងចិត្តជានិច្ច លុះមានឱកាសល្អ ខណ:ឃើញជនរងគ្រោះកំពុងអង្គុយហូបបាយម្នាក់ឯង ស្រាប់តែទាញយកកូនកាំបិតចិតបន្លែចុងស្រួចចាក់ពេញទំហឹង ទៅលើជនរងគ្រោះចំនួន២កាំបិត ត្រង់កន្លែងក្រោមដោះខាងឆ្វេង បណ្ដាលឲ្យប្រកាច់ស្លាប់ភ្លាមៗនៅនឹងកន្លែងតែម្តង ។ ក្រោយពីធ្វើសកម្មភាពចាក់ទៅលើជនរងគ្រោះរួច ជនសង្ស័យក៏បានគេចខ្លួនបាត់ស្រមោល ៕
ចែករំលែកព័តមាននេះ