ខេត្តប៉ៃលិន ៖ ជនសង្ស័យចំនួន២នាក់ បាននាំគ្នាអង្គុយប្រើប្រាស់គ្រឿងញៀន យ៉ាងសប្បាយរីករាយ ដោយមិនគិតខ្វល់ខ្វាយពីអ្វីឡើយ លុះទទួលបានដំណឹងភ្លាមៗ កម្លាំងជំនាញក៏ចុះទៅធ្វើការបង្ក្រាបចាប់បញ្ជូនទៅស្នងការខេត្តតែម្ដង ។ ហេតុការណ៍នគរបាលចុះបង្ក្រាបករណីគ្រឿងញៀននេះ…
ខេត្តប៉ៃលិន ៖ ជនសង្ស័យចំនួន២នាក់ បាននាំគ្នាអង្គុយប្រើប្រាស់គ្រឿងញៀន យ៉ាងសប្បាយរីករាយ ដោយមិនគិតខ្វល់ខ្វាយពីអ្វីឡើយ លុះទទួលបានដំណឹងភ្លាមៗ កម្លាំងជំនាញក៏ចុះទៅធ្វើការបង្ក្រាបចាប់បញ្ជូនទៅស្នងការខេត្តតែម្ដង ។
ហេតុការណ៍នគរបាលចុះបង្ក្រាបករណីគ្រឿងញៀននេះ បានកើតឡើងកាលពីវេលាម៉ោង១២និង៣០នាទីរសៀល ថ្ងៃទី១៧ ខែធ្នូ ឆ្នាំ២០១៧ នៅចំណុចភូមិអូតាពុកក្រោម សង្កាតទួលល្វា ក្រុងប៉ៃលិន ខេត្តប៉ៃលិន ។
ប្រភពព័ត៌មានបានឱ្យដឹងថា បន្ទាប់ពីទទួលបានសេចក្តីរាយការណ៍ពីប្រជាពលរដ្ឋ កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងប៉ៃលិន បានចុះធ្វើការឆ្មក់បង្ក្រាបចាប់បានជនសង្សយ័ប្រើប្រាស់គ្រឿងញៀនចំនួន២នាក់ ដែលកំពុងតែនាំគ្នាអង្គុយប្រើប្រាស់នៅនឹងកន្លែង ។
ប្រភពបន្តទៀតថា ជនសង្ស័យទី១.ឈ្មោះ មាន សារី ភេទប្រុស អាយុ២០ឆ្នាំ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ជាកម្មករ ទី២.ឈ្មោះ សឿន រដ្ឋា ភេទប្រុស អាយុ២៣ឆ្នាំ ជាកម្មករ រស់នៅភូមិជាមួយគ្នា ។
ក្រោយពីនគរបាលឆែកឆេរនៅលើខ្លួនជនសង្ស័យទាំង២នាក់ រកឃើញវត្ថុតាងរួមមាន ម្សៅក្រាមពណ៌សចំនួន២កញ្ចប់តូច ដែកកេះចំនួន១ និងទុយោបំពង់បឺតចំនួន១ ។ ក្រោយធ្វើការសាកសួររួចមក នគរបាលបានបញ្ជូនជនសង្ស័យប្រើប្រាស់គ្រឿងញៀនទាំង២នាក់ទៅស្នងការនគរបាលខេត្ត ដើម្បីចាត់ការបន្ត ៕
ចែករំលែកព័តមាននេះ