បន្ទាយមានជ័យ ៖ ប្រជាពលរដ្ឋខ្មែរ១៧នាក់ត្រូវបានអាជ្ញាធរថៃឃាត់ចោទប្រកាន់លួចម៉ាស៊ីនភ្លើង ហើយភាគីកម្ពុជាឃាត់រថយន្តថៃ៨គ្រឿងដែលកើតឡើងនៅវេលាម៉ោង៦និង៣០នាទីថ្ងៃទី១៨ ខែធ្នូ ឆ្នាំ២០១៧ ស្ថិតក្បែព្រំដែនក្នុងទឹកដីថៃ ភូមិណងចាក់កែវ ឃុំគោកស៊ូង ស្រុកគោកធ្យូង…
បន្ទាយមានជ័យ ៖ ប្រជាពលរដ្ឋខ្មែរ១៧នាក់ត្រូវបានអាជ្ញាធរថៃឃាត់ចោទប្រកាន់លួចម៉ាស៊ីនភ្លើង ហើយភាគីកម្ពុជាឃាត់រថយន្តថៃ៨គ្រឿងដែលកើតឡើងនៅវេលាម៉ោង៦និង៣០នាទីថ្ងៃទី១៨ ខែធ្នូ ឆ្នាំ២០១៧ ស្ថិតក្បែព្រំដែនក្នុងទឹកដីថៃ ភូមិណងចាក់កែវ ឃុំគោកស៊ូង ស្រុកគោកធ្យូង ខេត្តស្រះកែវ ។
ក្រោយពេលដែលភាគីថៃឃាត់ប្រជាពលរដ្ឋខ្មែរចំនួន១៧នាក់ ស្រី៥នាក់ និងម៉ូតូ១៣គ្រឿង គឺភាគីកម្ពុជាមានលោកវរសេនីយ៍ត្រីអ៊ិន ផល មេបញ្ជាការកងល្បាតលេខ២ បញ្ជាការយោធាវរៈការពារព្រំដែនលេខ៥០៣ រួមជាមួយកម្លាំងនគរបាលព្រំដែនគោកលេខ៩១១ បានទៅជួបដោះស្រាយភាគីថៃ ហើយត្រូវបានដោះលេងប្រជាពលរដ្ឋខ្មែរចំនួន១៧នាក់ មានស្រីចំនួន៥នាក់ តែអាជ្ញាធរថៃបានឃាត់ទុកម៉ូតូចំនួន១៣គ្រឿង ។
លោកវរសេនីយ៍ត្រីអ៊ិន សុផល បានបញ្ជាក់ថា មូលហេតុដែលភាគីថៃឃាត់ប្រជាពលរដ្ឋចំនួន១៧នាក់ ស្រី៥នាក់និងម៉ូតូ១៣គ្រឿងនេះ គឺភាគីថៃបានចោទប្រជាពលរដ្ឋខ្មែរលួចម៉ាស៊ីនភ្លើងថៃ១គ្រឿង ទើបបណ្តាលឲ្យឃាត់ប្រជាពលរដ្ឋខ្មែរ ដើម្បីជាផ្នូររកម៉ាស៊ីនភ្លើងដែលបាត់ ។
លោកបានបញ្ជាក់ថា ប្រជាពលរដ្ឋខ្មែរចំនួន១៧នាក់ ដែលភាគីថៃឃាត់ជាប្រជាពលរដ្ឋរស់នៅភូមិព្រៃចាន់ ឃុំអូរបីជាន់ ស្រុកអូរជ្រៅមានខ្លះចូលទៅដីថៃរកការងារធ្វើទៅព្រឹកវិលល្ងាច និងខ្លះចូលទៅរកទិញម្ហូបចេញចូលតាមច្រករបៀងតំបន់៥ ស្ថិតភូមិព្រៃចាន់ ឃុំអូរបីជាន់ស្រុកអូរជ្រៅ ហើយត្រូវបានភាគីថៃឃាត់ប្រជាពលរដ្ឋខ្មែរ១៧នាក់ និងម៉ូតូ១៣គ្រឿង ក្រោយពេលឃាត់ភាគីកម្ពុជាមានកម្លាំងយោធារវរៈការពារព្រំដែន និងនគរបាលការពារព្រំដែនគោកលេខ៩១១បានចូលជួបពិភាក្សាដោះស្រាយ ហើយភាគីថៃបានដោះលេងប្រជាពលរដ្ឋខ្មែរដែលឃាត់១៧នាក់ តែម៉ូតូ១៣គ្រឿងមិនទាន់ដោះលេងមកវិញនៅឡើយទេ ។
លោកឧត្តមសេនីយ៍ត្រីឃួន ជឿន បញ្ជាការយោធារវរៈការពារព្រំដែនបានបញ្ជាក់ថា ក្រោយពេលភាគីថៃឃាត់ប្រជាពលរដ្ឋខ្មែរ១៧នាក់និងម៉ូតូ១៣គ្រឿង គឺភាគីថៃចោទខ្មែរលួចម៉ាស៊ីនភ្លើងនៅចំការក្បែរព្រំដែន ភូមិសាស្គ្រទឹកដីថៃក្នុងភូមិណងចាក់កែវ ឃុំគោកស៊ូង ស្រុកគោកធ្យូង ខេត្តស្រះកែវ ។ វាជារឿងអយុត្តិធម៌ពេកបាត់ម៉ាស៊ីនភ្លើងចោទប្រជាពលរដ្ឋខ្មែរ ពេលនេះកម្លាំងបានចូលជួបដោះស្រាយឲ្យដោះលេងប្រជាពលរដ្ឋខ្មែរមកសិនចំណែកម៉ូតូ និងដោះស្រាយតាមក្រោយ ។
ចំពោះប្រជាពលរដ្ឋដែលឃាត់រថយន្តថៃចូលដឹកអង្កាមចំនួន៨គ្រឿងក្នុងទឹកដីកម្ពុជាស្ថិតក្បែរច្រកព្រំដែនតំបន់៥ គឺប្រជាពលរដ្ឋសំណូមពរដោះលេងប្រជាពលរដ្ឋខ្មែរ ហើយប្រគល់ម៉ូតូ១៣គ្រឿងទើបដោះលេងរថយន្តដែលឃាត់ដែរ ទោះជាយ៉ាងណាក្តីក្នុងសមត្តកិច្ចត្រូវរកដំណោះស្រាយជូនមិនឲ្យមានទំនាស់កើតឡើង ៕
ចែករំលែកព័តមាននេះ