ខេត្តបន្ទាយមានជ័យ ៖ ក្មេងស្រី៣នាក់បានរងរបួសធ្ងន់ដេករណេករណូលពេញផ្លូវក្នុងហេតុការគ្រោះថ្នាក់ចរាចរណ៍កើតឡើងរវាងម៉ូតូបុកគោយន្ត ពីក្រោយលើផ្លូវជាតិក្រវ៉ាត់ព្រំដែនលេខ៥៨ ។ គ្រោះថ្នាក់ចរាណ៍នេះបានកើតឡើងនៅវេលាម៉ោង១និង៣០នាទីរសៀលថ្ងៃទី១៧ ខែធ្នូ ឆ្នាំ២០១៧ នៅភូមិសាស្ត្រប៉ុស្តិ៍ការពារព្រំដែនមហោស្រព ភូមិមហោស្រប…
ខេត្តបន្ទាយមានជ័យ ៖ ក្មេងស្រី៣នាក់បានរងរបួសធ្ងន់ដេករណេករណូលពេញផ្លូវក្នុងហេតុការគ្រោះថ្នាក់ចរាចរណ៍កើតឡើងរវាងម៉ូតូបុកគោយន្ត ពីក្រោយលើផ្លូវជាតិក្រវ៉ាត់ព្រំដែនលេខ៥៨ ។ គ្រោះថ្នាក់ចរាណ៍នេះបានកើតឡើងនៅវេលាម៉ោង១និង៣០នាទីរសៀលថ្ងៃទី១៧ ខែធ្នូ ឆ្នាំ២០១៧ នៅភូមិសាស្ត្រប៉ុស្តិ៍ការពារព្រំដែនមហោស្រព ភូមិមហោស្រប ឃុំគោករមៀត ស្រុកថ្មពួក ខេត្តបន្ទាយមានជ័យ ។
លោកវរសេនីយ៍ទោ ឡុង សំណាង មេបញ្ជាកានគរបាលវរសេនាតូចការពារព្រំដែនគោកលេខ៨០៧ បានឲ្យដឹងថា មុនពេលកើតហេតុនៃគ្រោះថ្នាក់ចរាចរណ៍នេះអ្នកបើកម៉ូតូ ស៊េរីឆ្នាំ២០១៨ បានបើកស្របទិសគ្នាពីជើងទៅត្បូង ពេលដល់ចំណុចកើតហេតុបានបុកគោយន្តកន្ត្រៃដឹកទឹកពីក្រោយបណ្តាលឲ្យអ្នកបើកម៉ូតូ និងអ្នករួមដំណើរ២នាក់ផ្សេងទៀត រងរបួសធ្ងន់ ដោយភាគីខាងម៉ូតូបើកទៅបុកគោយន្តពីខាងក្រោយផ្នែកខាងឆ្វេង បណ្តាលឲ្យគ្រោះថ្នាក់ទាំង២ ។ ភាគីខាងម៉ូតូជិះគ្នា០៣នាក់ ទាំងអ្នកជិះ និងអ្នករួមដំណើរមិនបានពាក់មួកសុវត្ថិភាព ជនរងគ្រោះឈ្មោះស្រី គីម ភេទស្រី អាយុ១៨ រស់នៅភូមិតាម៉ាំង ឃុំគោករមៀត ស្រុកថ្មពួក (រងរបួសធ្ងន់)ជាអ្នកបើកម៉ូតូ និងអ្នករួមដំណើរ២នាក់ទៀតទី១-ឈ្មោះហ៊ាង ស្រណោះ ភេទស្រី អាយុ ១៧ឆ្នាំ រស់នៅភូមិតាម៉ាំង ឃុំគោករមៀត (រងរបួសធ្ងន់)ទី២-ឈ្មោះ ជុន ស្រីតូច ភេទស្រី អាយុ១៥ឆ្នាំ រស់នៅភូមិតាម៉ាំង ឃុំគោករមៀត (រងរបួសធ្ងន់) ។
ភាគីខាង គោយន្ត ឈ្មោះរ័ត្ន ភេទប្រុស អាយុ៣៨ឆ្នាំ រស់នៅភូមិ- ឃុំខាងលើ រងរបួសធ្ងន់ (បែកក្បាល) ដោយដៃចង្កូតគោយន្តគ្រវាត់ធ្លាក់ពីលើគោយន្ត ។
លោកមេបញ្ជាការបានបព្ជាក់ថា មូលហេតុនៃគ្រោះថ្នាក់ចរាចរណ៍នេះមកពីកត្តាអ្នកបើកម៉ូតូមានល្បឿនលឿន និងមានគោលបំណងចង់វ៉ាជែងគោយន្តកន្ត្រៃដឹកទឹក តែខ្វះការប្រុងប្រយ័ត្ន ទើបម៉ូតូបុកនិងទ្រុងរ៉ឺម៉កបង្កជាគ្រោះថ្នាក់ចរាណ៍តែម្តង ។ ចំពោះម៉ូតូ និងគោយន្តត្រូវបានប្រគល់ឲ្យនគរបាលប៉ុស្តិ៍រដ្ឋបាលឃុំគោករមៀត យកទៅរក្សាទុកដើម្បីរង់ចាំធ្វើការដោះស្រាយតាមនីតិវិធីច្បាប់ ៕
ចែករំលែកព័តមាននេះ