ខេត្តពោធិ៍សាត់ ៖ បុរសម្នាក់ផឹកស្រាស្រវឹង ហើយបានយកខ្សែពួររុំ.កលោតទម្លាក់ខ្លួនចូលក្នុងអណ្ដូងទឹក បណ្ដាលឲ្យស្លាប់ ហេតុការណ៍នេះបានកើតឡើងកាលពីវេលាម៉ោង១៤រសៀល ថ្ងៃទី១៧ ខែធ្នូ ឆ្នាំ២០១៧ នៅក្បែរផ្ទះរបស់ខ្លួន ស្ថិតក្នុងភូមិសំរោងយា ឃុំព្រងិល ស្រុកភ្នំក្រវាញ។
នគរបាលប៉ុស្តិ៍រដ្ឋបាលព្រងិលបានឲ្យដឹងថា ជនរងគ្រោះនេះឈ្មោះ អឿន ធាន ភេទប្រុស អាយុ៣៧ឆ្នាំ ជនជាតិខ្មែរ មានប្រពន្ធ និងកូនប្រុសស្រីតូចៗ០២នាក់។ ជនរងគ្រោះបានប្រើខ្សែពួររុំ.ក រួចហើយក៏ហក់ចូលទៅក្នុងអណ្ដូងជំរៅប្រមាណ០៧ម៉ែត្រ បណ្ដាលឲ្យរឹតបំពង់.កស្លាប់ភ្លាមៗនៅមួយរំពេច។
បើតាមការបញ្ជាក់ពីប្អូនជនរងគ្រោះបានប្រាប់ថា បងរបស់គាត់មានប្រពន្ធ និងកូនស្រីប្រុសតូចៗពីរនាក់។ ប្រពន្ធរបស់គាត់បានលែងលះគ្នាចុះចេញពីគាត់ប៉ុន្មានខែមកហើយ ដោយបន្សល់ទុកឲ្យគាត់រស់នៅជាមួយកូនៗក្នុងផ្ទះស្លឹកយ៉ាងកំសត់។ ចាប់ពីពេលនោះមកគាត់មានអារម្មណ៍ស្រងូតស្រងាត់ ហើយតែងតែផឹកស្រាស្រវឹងរាល់ថ្ងៃ ព្រមទាំងព្យាយាមចង.កសម្លាប់ខ្លួនប៉ុន្មានលើកប៉ុន្មានសារមកហើយ តែបានអ្នកស្រុកជួយទាន់។ រហូតដល់ថ្ងៃកើតហេតុ គាត់ផឹកស្រាម្នាក់ឯងស្រវឹងជោកជាំ រួចក៏យកខ្សែពួររុំ.កលោតចូលក្នុងអណ្ដូងក្បែរផ្ទះស្លាប់ ដោយពុំមានអ្នកណាដឹងជួយទាន់ទេ បន្សល់ទុកឲ្យកូនទាំងពីរកំព្រារស់នៅជាមួយជីដូនចាស់ជរាគ្មានទីពឹងថែមទៀត។
សមត្ថកិច្ចធ្វើកោសលវិច្ឆយបញ្ជាក់ថា ជនរងគ្រោះពិតជាស្លាប់ដោយធ្វើអត្តឃាតរុំ.កហក់ចូលក្នុងអណ្ដូងទឹកប្រាកដមែន ដោយពុំមានស្លាកស្នាមអ្វីក្រៅពីនោះទេ៕
ចែករំលែកព័តមាននេះ