ខេត្តបន្ទាយមានជ័យ ៖ ជនរងគ្រោះស្លាប់និងរបួសដោយសារឧប្បត្តិហេតុគ្រោះថ្នាក់ចរាចរណ៍លើទឹកដីថៃនៅស្រុកវ៉ាត់ថាណាណាក់ខន ខេត្តស្រះកែវ កាលពីព្រឹកថ្ងៃទី១៤ ធ្នូ កន្លងមក ស្គាល់អត្តសញ្ញាណ៤នាក់ហើយ ។ អ្នកស្លាប់ឡើងដល់៤នាក់…
ខេត្តបន្ទាយមានជ័យ ៖ ជនរងគ្រោះស្លាប់និងរបួសដោយសារឧប្បត្តិហេតុគ្រោះថ្នាក់ចរាចរណ៍លើទឹកដីថៃនៅស្រុកវ៉ាត់ថាណាណាក់ខន ខេត្តស្រះកែវ កាលពីព្រឹកថ្ងៃទី១៤ ធ្នូ កន្លងមក ស្គាល់អត្តសញ្ញាណ៤នាក់ហើយ ។ អ្នកស្លាប់ឡើងដល់៤នាក់ របួសស្រាលម្នាក់ ក្នុងនោះមាន២នាក់ ជាខ្មែរអ៊ិស្លាម និងជាគូដណ្តឹងនឹងគ្នា ត្រូវវិលមករៀបអាពាហ៍ពិពាហ៍ ។
ជនរងគ្រោះទាំង៤នាក់រួមមាន ៖ ១-ឈ្មោះ ចាន់ រ៉ាត់ ភេទប្រុស អាយុ៣៩ឆ្នាំជាកម្មករសំណង់ នៅខេត្តឈុនបូរី ប្រទេសថៃ មានទីលំនៅភូមិចក ឃុំរហាត់ទឹក ស្រុកមង្គលបុរី ខេត្តបន្ទាយមានជ័យស្លាប់ ។ ២-ឈ្មោះ ស្មាន សីហា ភេទប្រុស អាយុ២០ឆ្នាំ ជាកម្មករសំណង់នៅប្រទេសថៃ មានទីលំនៅភូមិឈើទាល ឃុំសិរីមានជ័យ ស្រុកសំពៅលូន ខេត្តបាត់ដំបង (ស្លាប់) ។៣-ឈ្មោះ ម៉ាន តើត ហៅសារី ភេទប្រុស អាយុ២២ឆ្នាំ ធ្វើ ការ ជាកម្មករសំណង់នៅក្រុងបាងកកប្រទេសថៃ និងមានទីលំនៅភូមិនិងឃុំទ្រា ស្រុកក្រូចឆ្មា ខេត្តត្បូងឃ្មុំ ជាខ្មែរអ៊ិស្លាម ស្លាប់៤-ឈ្មោះ ឡេះ ម៉ារី ភេទស្រី អាយុ១៧ឆ្នាំ ធ្វើការជាកម្មករសំណង់នៅក្រុងបាងកក ប្រទេសថៃ មានទីលំនៅសង្កាត់ ប៉ោយប៉ែត ក្រុងប៉ោយប៉ែត ជាខ្មែរអ៊ិស្លាម និងជាគូដណ្តឹងនឹងគ្នា របួស ស្រាល ។ ៥-ភេទស្រីម្នាក់របួសធ្ងន់ស្លាប់នៅមន្ទីរពេទ្យមិនទាន់ស្គាល់អត្តសញ្ញាណ ។
គួរបញ្ជាក់ថា ករណីគ្រោះថ្នាក់ចរាចរណ៍នេះ ខណៈជនរងគ្រោះជិះរថយន្តត្រឡប់ពីប្រទេសថៃវិញហើយខ្មែរអ៊ិស្លាម២នាក់នោះត្រូវមករៀបអាពាហ៍ពិពាហ៍ទៀតផង ។ រថយន្តជួបឧប្បត្តិហេតុនោះបើកលឿនណាស់ ខណៈមេឃកំពុងភ្លៀងក៏ធ្លាក់ផ្លូវបុកដើមឈើពេញទំហឹង ៕
ចែករំលែកព័តមាននេះ