គំនុំយូរហើយដល់ពេលឃើញសងតែម្តង
- តាកែវ
ខេត្តតាកែវ ៖ នៅភូមិត្រពាំងត្របែក ឃុំអង្គតាសោម ស្រុកត្រាំកក់ថ្ងៃទី១៥ ខែធ្នូ ឆ្នាំ២០១៧ វេលាម៉ោង១៨និង៣០នាទីយប់ លោកឌុក ធីយ៉ា…
ខេត្តតាកែវ ៖ នៅភូមិត្រពាំងត្របែក ឃុំអង្គតាសោម ស្រុកត្រាំកក់ថ្ងៃទី១៥ ខែធ្នូ ឆ្នាំ២០១៧ វេលាម៉ោង១៨និង៣០នាទីយប់ លោកឌុក ធីយ៉ា អធិការនគរបាលស្រុកត្រាំកក់បានឲ្យដឹងថាក្រោយពីទទួលបានព័ត៌មានពីករណីហិង្សាមួយកើតឡើងបង្កឡើងដោយជនសង្ស័យមួយក្រុម ដោយមានខ្សែរក្រវ៉ាត់ និងដាវធ្វើសកម្មភាពជិះម៉ូតូដេញវ៉ៃ និងកាប់ជនរងគ្រោះ ៕
កម្លាំង តាមប៉ុស្តិ៍រដ្ឋបាលស្ទាក់ដោយបានឃាត់ខ្លួនជនសង្ស័យបានចំនួន២នាក់ ទី១ឈ្មោះង៉ែត សុខវន ភេទប្រុស អាយុ១៧ឆ្នាំ រស់នៅភូមិគុស ឃុំញ៉ែងញ៉ង ស្រុកត្រាំកក់ និងម្នាក់ទៀតមានឈ្មោះប៉ាង បញ្ញ៉ ភេទប្រុស អាយុ១៦ឆ្នាំ រស់នៅភូមិចំការដៀបឃុំអង្គតាសោម ស្រុកត្រាំកក់ ចំណែកជនរងគ្រោះឈ្មោះសាំង ធារិត ភេទប្រុស អាយុ២១ឆ្នាំ រស់នៅភូមិព្រៃដំរី ឃុំអង្គតាសោម លោកអធិការនគរបាលស្រុកបន្តទៀតថា មុនពេលកើតហេតុជនរងគ្រោះបានជិះម៉ូតូតែម្នាក់ឯងពីកើតទៅលិចដើម្បីទៅផ្ទះ ពេលនោះជនសង្ស័យធ្វើសកម្មភាពដេញកាប់ជនរងគ្រោះតែមិនត្រូវៗចំណែកម៉ូតូខូចខាតមធ្យម ។ រីឯបក្សពួកផ្សេងទៀតរត់គេចខ្លួនបាត់ ព្រមទាំងដកហូតបានម៉ូតូ០២គ្រឿងដែលជនសង្ស័យជិះធ្វើសកម្មភាព ។
នៅចំពោះមុខប៉ូលិសជនសង្ស័យទាំង២នាក់ បាននិយាយសារភាពថា ពួកគេពិតជាបានជិះម៉ូតូធ្វើសកម្មភាពដេញកាប់ទៅលើជនរងគ្រោះពិតប្រាកដមែន ដោយសារមានគំនុំ និងកន្លងទៅ ។
លោកវរសេនីឯកយ៉ុង ញ៉ីវ នាយការិយាល័យព្រហ្មកម្រិត ស្រាលខេត្តបានឲ្យដឹងថា ក្មេងទំនើង២នាក់នេះខាងជំនាញយើងកំពុងតែកសាងសំណុំរឿង ដើម្បីបញ្ជូនទៅសាលាដំបូងខេត្តកាត់ទោសទៅតាមច្បាប់នៅល្ងាចថ្ងៃទី១៦ ខែធ្នូ ឆ្នាំ២០១៧ ៕
ចែករំលែកព័តមាននេះ