រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច មានការភ្ញាក់ផ្អើលឆោឡោយ៉ាងខ្លាំង ខណៈប្រទះឃើញមនុស្សម្នាក់ស្លាប់ក្នុងបន្ទប់ជួល ហេតុការណ៍នេះកើតឡើងកាលពីម៉ោង១០និង៥០នាទី ថ្ងៃទី១៧ ខែធ្នូ ឆ្នាំ២០១៧ នៅចំណុចខាងកើតរោងចក្រ QMI ស្ថិតក្នុងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។
សេចក្តីរាយការណ៍បានបន្តទៀតថា មុនពេលកើតហេតុ ម្ចាស់ផ្ទះធុំក្លិនស្អុយៗសាយភាយចេញមកពីក្នុងបន្ទប់ជួលនោះ ដោយមានការសង្ស័យម្ចាស់ផ្ទះក៏ចាក់សោចូលទៅមើល ស្រាប់តែប្រទះឃើញសពជនរងគ្រោះរុំភួយជិតស្លាប់បាត់ទៅដោយ ទើបមានការភ្ញាក់ផ្អើលឆោឡោតែម្តង ហើយក៏រាយការណ៍ទៅសមត្ថកិច្ចដើម្បីចុះអន្តរាគមន៍។ ចំណែកឯសពជនរងគ្រោះដែលប្រទះឃើញនេះនៅមិនទាន់ដឹងអត្តសញ្ញាណនៅឡើយទេ ។
បច្ចុប្បន្នសមត្ថកិច្ចកំពុងរង់ចាំមន្ត្រីជំនាញចុះទៅធ្វើការពិនិត្យ និងកោសលវិនិច្ឆយនៅកើតហេតុបានទៅដល់កន្លែងកើតហេតុ កំពុងធ្វើការត្រួតពិនិត្យនៅកន្លែងកើតហេតុ ។
ចែករំលែកព័តមាននេះ