ខេត្តតាកែវ ៖ ព្រឹកថ្ងៃទី១៥ ខែធ្នូ ឆ្នាំ២០១៧ នៅសាលប្រជុំស្នងការដ្ឋាននគរបាលខេត្តតាកែវ មានរៀបចំកិច្ចប្រជុំផ្សព្វផ្សាយការអនុវត្តអនុក្រឹត្យលេខ ១២៩ អនក្រ.បក ចុះថ្ងៃទី១៥…
ខេត្តតាកែវ ៖ ព្រឹកថ្ងៃទី១៥ ខែធ្នូ ឆ្នាំ២០១៧ នៅសាលប្រជុំស្នងការដ្ឋាននគរបាលខេត្តតាកែវ មានរៀបចំកិច្ចប្រជុំផ្សព្វផ្សាយការអនុវត្តអនុក្រឹត្យលេខ ១២៩ អនក្រ.បក ចុះថ្ងៃទី១៥ ខែសីហា ឆ្នាំ២០១៧ ស្តីពីការលុបចោល និងដកហូតឯកសាររដ្ឋបាលកម្ពុជា មិនប្រក្រតី ដែលជនបរទេសកំពុងកាន់កាប់ប្រើប្រាស់ក្នុងខេត្តតាកែវ ។
ពិធីនេះដែរ ស្ថិតក្រោមអធិបតី លោកឧត្តមសេនីយ៍ឯក ចុង សុវណ្ណនី អគ្គនាយករង នៃអគ្គនាយកដ្ឋានអន្តោប្រវេសន៍ តំណាងឲ្យនាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ និង លោក អ៊ួច ភា អភិបាលរងខេត្ត តំណាងឲ្យ លោក ឡាយ វណ្ណៈ អភិបាល នៃគណអភិបាលខេត្តតាកែវ ។
ដោយមានការអញ្ជើញចូលរួមពី លោកឧត្តមសេនីយ៍ទោ សុខ សំណាង ស្នងការនគរបាលខេត្ត លោកព្រះរាជអាជ្ញារងអមសាលាដំបូងខេត្ត លោកមេបញ្ជាការរងកងរាជអាវុធហត្ថខេត្ត លោកមេបញ្ជាការរងតំបន់ប្រតិបត្តិការសឹករងខេត្ត គណៈប្រតិភូអមដំណើរ លោកស្នងការរង លោកប្រធានមន្ទីរពាក់ព័ន្ធ លោកអភិបាលគ្រប់ស្រុកក្រុង លោកនាយ នាយរងការិយាល័យ និងមន្ត្រី នៃការិយាល័យអន្តោប្រវេសន៍ លោកអធិការ អធិការរង ទទួលផ្នែកអន្តោប្រវេសន៍ នៃអធិការដ្ឋាននគរបាលគ្រប់ស្រុកក្រុង លោកមេឃុំ ចៅសង្កាត់ មកចូលរួមជាច្រើនកុះករ ។
នាឱកាសនោះដែរ លោកកឧត្តមសេនីយ៍ឯក ចុង សុវណ្ណនី អគ្គនាយករង នៃនាយកដ្ឋានអន្តោប្រវេសន៍បានប្រសាសផ្តាំផ្ញើដល់លោកនាយប៉ុស្តិ៍រដ្ឋបាលឃុំសង្កាត់ទាំងអស់ត្រូវតែពិនិត្យរឿងជនបរទេស ដែលបានមករស់នៅលើទឹកដីខេត្តតាកែវឲ្យច្បាស់លាស់ ព្រោះបើពិនិត្យទៅឃើញថាខុសច្បាប់ ត្រូវតែបញ្ជូនទៅប្រទេសគេវិញ ហើយបើចង់រស់នៅដោយស្របច្បាប់គួរតែមានច្បាប់ត្រឹមត្រូវ ចាប់ពីពេលនេះលែងមានការយោគយល់ហើយ នៅតាមមូលដ្ឋានរបស់អស់លោកត្រូវអនុវត្តតាមច្បាប់ ព្រោះនគរបាលមានអស់លោកខ្លះមានប្រពន្ធជាជនជាតិបរទេស លោកមេឃុំសូមជួយមើលពីបញ្ហានេះផង ព្រោះខេត្តតាកែវមានជនជាតិបរទេសមករស់នៅច្រើន ពីពេលនេះទៅសូមឲ្យអស់លោកគិតគួរពីបញ្ហានេះឲ្យមែនទែន ៕
ចែករំលែកព័តមាននេះ