ខេត្តប៉ៃលិន ៖ ស្ត្រីវ័យក្មេងសាច់សខ្ចីស្រស់ស្អាតម្នាក់ក្លាយទៅជាចំណីតណ្ហារបស់ព្រាននា រីម្នាក់ ខណៈមកធ្វើការស្នាក់នៅក្នុងផ្ទះជួលមួយកន្លែង ស្រាប់តែបុរសដែលជាបងប្អូនរបស់ម្ចាស់ផ្ទះ ធ្វើសកម្មភាពចាប់រំលោភសេពសន្ថវៈបានសម្រេចច្រើនដង លុះនាងទ្រាំលែងបានក៏ដាច់ចិត្តប្រាប់បងរបស់ខ្លួនឱ្យប្តឹងនគរបាលចាប់ឃាត់ខ្លួនបញ្ជូនទៅតុលាការ ។ ហេតុការណ៍ចាប់រំលោភសេពសន្ថវៈនេះបានកើតឡើងកាលពីវេលាម៉ោង៤ទាបភ្លឺ ថ្ងៃទី១៤ ខែធ្នូ ឆ្នាំ២០១៧ ស្ថិតនៅចំណុចផ្ទះជនរងគ្រោះក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានបានឱ្យដឹងថា ជនសង្ស័យមានឈ្មោះ សុខ វិបុល ភេទប្រុស អាយុ២៩ឆ្នាំ ស្នាក់នៅបណ្តោះអាសន្នជាមួយបងប្រុសរបស់ខ្លួនដែលជាម្ចាស់ផ្ទះកន្លែងកើតហេតុ ។ ចំណែកជនរងគ្រោះ ឈ្មោះ ម.ស.ជ ភេទស្រី អាយុ១៩ឆ្នាំ ស្នាក់នៅផ្ទះជួលរបស់ឈ្មោះ វី ដែលជាបងប្រុសបង្កើតរបស់ជនសង្ស័យខាងលើ ។
បើតាមការរៀបរាប់របស់ជនរងគ្រោះបានប្រាប់ថា រូបនាង និងបងស្រីបានទៅជួលបន្ទប់របស់ឈ្មោះ វី ដែលជាបងប្រុសរបស់ជនសង្ស័យហើយជនសង្ស័យបានទៅស្នាក់នៅជាមួយបងប្រុសរបស់គេដែរ ។ ក្រោយមកនាងមិនចាំថ្ងៃខែទេដោយជនសង្ស័យបានចូលទៅក្នុងបន្ទប់របស់នាងហើយបានបង្ខំនាងរួមភេទបានសំរេចចំនួនបួនលើករួចមកហើយ ។
ប្រភពបន្តទៀតថា ចំណែកលើកចុងក្រោយនេះនៅវេលាម៉ោងប្រហែល៤ទាបភ្លឺ ខណៈពេលនាងបានចេញពីបន្ទប់ដេករបស់ខ្លួនទៅបត់ជើងនៅក្នុងបន្ទប់ទឹករួចពេលចេញមកវិញ ស្រាប់តែជនសង្ស័យបានចាប់អូសដៃនាងចូលទៅក្នុងបន្ទប់បងស្រីរបស់នាង ខណៈដែលបងស្រីនាងមិនបានស្នាក់នៅក្នុងផ្ទះហើយក៏ធ្វើសកម្មភាពចាប់រំលោភរហូតបានសំរេច ។
នាងបញ្ជាក់ថា កន្លងមកនាងមិនហ៊ានប្រាប់អ្នកណាឱ្យដឹងរឿងនេះទេដោយនឹកខ្មាសគេ ។ តែលើកចុងក្រោយនេះនាងទ្រាំលែងបានក៏សំរេចចិត្តប្រាប់បងស្រីរបស់ខ្លួនឱ្យប្តឹងសមត្ថកិច្ចនគរបាលតែម្តង ។ ពាក់ព័ន្ធនឹងបញ្ហានេះបន្ទាប់ពីនគរបាលសាកសួររួចមកក៏បានរៀបចំកសាងសំណុំរឿងដើម្បីបញ្ជូនទៅអយ្យការអមសាលាដំបូងខេត្តឱ្យចាត់ការតាមនីតិវិធី ៕
ចែករំលែកព័តមាននេះ