រាជធានីភ្នំពេញ ៖ នារីវ័យក្មេងចំនួន៤នាក់បានបើករថយន្តស៊េរីទំនើបបត់ចូលសាលារៀនមិនប្រយ័ត្ន ក៏ត្រូវបុរសម្នាក់ចេញពីផឹកស៊ីវិញស្រវឹងទោរទន់ បានជិះម៉ូតូជ្រុលទៅបុកចំពីមុខពេញទំហឹង បណ្ដាលឲ្យបុរសដែលជាអ្នកបើកម៉ូតូរងរបួសតិចតួច បានរត់គេចខ្លួនបាត់ ហេតុការណ៍នេះបានកើតឡើងនៅវេលាម៉ោង០៨និង៣០នាទីយប់ ថ្ងៃទី១៤ ខែធ្នូ…
រាជធានីភ្នំពេញ ៖ នារីវ័យក្មេងចំនួន៤នាក់បានបើករថយន្តស៊េរីទំនើបបត់ចូលសាលារៀនមិនប្រយ័ត្ន ក៏ត្រូវបុរសម្នាក់ចេញពីផឹកស៊ីវិញស្រវឹងទោរទន់ បានជិះម៉ូតូជ្រុលទៅបុកចំពីមុខពេញទំហឹង បណ្ដាលឲ្យបុរសដែលជាអ្នកបើកម៉ូតូរងរបួសតិចតួច បានរត់គេចខ្លួនបាត់ ហេតុការណ៍នេះបានកើតឡើងនៅវេលាម៉ោង០៨និង៣០នាទីយប់ ថ្ងៃទី១៤ ខែធ្នូ ឆ្នាំ២០១៧ ទល់មុខនឹងសាកលវិទ្យាល័យបញ្ញាសាស្ត្រ ផ្លូវព្រះនរោតម្ត កែងនិងផ្លូវ៣២២ សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានឲ្យដឹងថា គេមុនពេលកើតហេតុ គេបានឃើញនារីវ័យក្មេងៗចំនួន៤នាក់ បានបើករថយន្តស៊េរីទំនើប ពណ៌ក្រហម ពាក់ស្លាកលេខ ភ្នំពេញ ២AC-៧១១៧ បានធ្វើដំណើរតាមផ្លូវ ព្រះនរោត្ដម ក្នុងទិសដៅពីជើងទៅត្បូង ខណៈមកដល់ចំណុចកើតហេតុ បានបត់ឆ្វេងឆ្លងផ្លូវ គោលបំណងចូលទៅក្នុងសាកលវិទ្យាល័យ តែពេលនោះរថយន្តបត់បានតែបន្តិច ក៏ស្រាប់តែបុរសម្នាក់មិនដឹងថា ចេញពីផឹកវិញកន្លែងណានោះទេ គឺបានជិះម៉ូតូម៉ាក PCX ពណ៌ស ពាក់ស្លាកលេខ ភ្នំពេញ ១GJ-២៩៩៥ បានធ្វើដំណើរតាមផ្លូវព្រះនរោត្តម ក្នុងទិសដៅបញ្ច្រាសទិសគ្នា ពីត្បូងទៅជើងវិញ ក្នុងល្បឿនលឿន ព្រមទាំងស្រវឹងផងនោះ បានជ្រុលទៅបុកនឹងរថយន្តដែលកំពុងតែបត់ឆ្លងផ្លូវចំពីមុខពេញទំហឹង បណ្ដាលឲ្យអ្នកបើកម៉ូតូរងរបួសដាច់មុខដាច់មាត់តិចតួច រួចហើយបានរត់គេចខ្លួនពីកន្លែងកើតហេតុបាត់ស្រមោល ចំណែកម៉ូតូវិញរងការខូចខាតខ្ទេចមួយចំហៀងឆ្វេង ។
ដោយឡែកខាងរថយន្តវិញរងការខូចខាតបែកស្តុប និងក្រពិតកាងខាងមុខចំហៀងខាងឆ្វេងតែមិនមានគ្រោះថ្នាក់ដល់អ្នកជិះក្នុងរថយន្តនោះទេ ។
ក្រោយពេលកើតហេតុ ដោយសារតែគ្មានដំណោះស្រាយ រថយន្ត និងម៉ូតូត្រូវបានសមត្ថកិច្ចបានមកធ្វើការវាស់វែងយកទៅរក្សារទុកនៅអធិការដ្ឋានខណ្ឌចំការមន ដើម្បីរង់ចាំធ្វើការដោះស្រាយនៅពេលក្រោយ ៕
ចែករំលែកព័តមាននេះ