ខេត្តបន្ទាយមានជ័យ ៖ យោងតាមសំណើរតាមទូរស័ព្ទពីមន្ត្រីការិយាល័យទំនាក់ទំនងព្រំដែនកម្ពជាថៃប្រចាំច្រកទ្វារអន្តរជាតិប៉ោយប៉ែតបានឱ្យកោះសន្តិភាពដឹងថា កាលពីវេលាម៉ោង០៩ព្រឹកថ្ងៃទី១៤ ធ្នូ នេះ មានករណីគ្រោះថ្នាក់ចរាចរណ៍មួយ ស្ថិតលើទឹកដីថៃ ក្នុងស្រុកវ៉ាត់ថាណាណាក់ខន ខេត្តស្រះកែវ ប្រទេស
ថៃ ។
សេចក្តីរាយការណ៍បន្តថា គ្រោះថ្នាក់នេះ បានបណ្តាលពលរដ្ឋខ្មែរជាពលករខុសច្បាប់៣នាក់ស្លាប់ និង២នាក់ទៀតបានរងរបួស ខណៈអាជ្ញាធរកំពុងប្រកាសរកញាតិ ។
បើតាមមន្ត្រីដដែលប្រាប់ទៀតថា សាកសពបុរសម្នាក់ក្នុងចំណោម៣នាក់ ត្រូវបានស្គាល់អត្តសញ្ញាណហើយ ។ ប៉ុន្តែសាកសព២នាក់ទៀត កំពុងតែស្វែងរកសាច់ញាតិ ។ ប្រភពបន្ត ប្រសិនបើនៅមិនទាន់មានវត្តមានសាច់ញាតិទំនាក់ទំនងមកទេ នៅវេលាម៉ោង០៨ព្រឹកថ្ងៃទី១៥ ធ្នូ នឹងរៀបចំបញ្ចុះ ឬក៏បូជាសាកសពទាំង២នាក់តែម្តង ។
ចែករំលែកព័តមាននេះ