រាជធានីភ្នំពេញ ៖ ប្រជាពលរដ្ឋប្រមាណជាង១០គ្រួសារតំណាងឱ្យប្រជាពលរដ្ឋចំនួន៤៩គ្រួសារ ដែលបានទិញផ្ទះពីបុរីបានផ្ទុះការតវ៉ាជាថ្មីដើម្បីទាមទារឱ្យសម្តេចអគ្គមហាសេនាបតីតេជោ ហ៊ុន សែន និងលោកទេសរដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគររូបនីយ៍កម្ម និងសំណង់…
រាជធានីភ្នំពេញ ៖ ប្រជាពលរដ្ឋប្រមាណជាង១០គ្រួសារតំណាងឱ្យប្រជាពលរដ្ឋចំនួន៤៩គ្រួសារ ដែលបានទិញផ្ទះពីបុរីបានផ្ទុះការតវ៉ាជាថ្មីដើម្បីទាមទារឱ្យសម្តេចអគ្គមហាសេនាបតីតេជោ ហ៊ុន សែន និងលោកទេសរដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគររូបនីយ៍កម្ម និងសំណង់ មេត្តាជួយអន្តរាគមន៍ដើម្បីឱ្យពួកគាត់បានប័ណ្ណកម្មសិទ្ធិ ។ ការតវ៉ាបានផ្ទុះឡើងកាលពីវេលាម៉ោង១១និង៣០ ថ្ងៃទី១៤ ខែធ្នូ ឆ្នាំ២០១៧ ដោយពួកគាត់នាំគ្នាជួបប្រមូលផ្តុំគ្នានៅក្នុងបុរី ដោយបានបង្ហាញ កិច្ចសន្យា និងលិខិតបង់ប្រាក់គ្រប់ចំនួនហើយបែរជាថៅកែបុរី មហាសេដ្ឋី មិនបានកាត់ឈ្មោះបំបែកប្លង់ផូនពួកគាត់ទៅតាមកិច្ចសន្យាឡើយ ។
ការជួបប្រមូលផ្តុំតវ៉ានេះបានផ្ទុះឡើងជាបន្តបន្ទាប់ បន្ទាប់ពីពួកគាត់បានទិញផ្ទះពីបុរីនោះអស់រយៈពេលប្រមាណជាង៤ឆ្នាំមកហើយ និងបានបង់ប្រាក់គ្រប់ចំនួនបែរជាថៅកែបុរីចេះតែសន្យាខ្យល់រហូត ។ ទន្ទឹមនោះប្រជាពលរដ្ឋចោទប្រកាន់ថា ថៅកែបុរីមហាសេដ្ឋីឈ្មោះ ណេប សុវណ្ណារិទ្ធិបោកប្រាស់ ។
តាមប្រជាពលរដ្ឋដែលតវ៉ាបានឱ្យដឹងថា ពួកគាត់ចំនួន៤៩គ្រួសារបានមកទិញផ្ទះ បុរីមហាសេដ្ឋីនេះតាំងពីឆ្នាំ២០១២ និងខ្លះឆ្នាំ២០១៤ ក្នុងតម្លៃពី១៣ម៉ឺនដុល្លារទៅ១៧ម៉ឺនដុល្លារ ដោយធ្វើកិច្ចសន្យាទិញលក់ ហើយបង់ប្រាក់ជាដំណាក់ៗដោយរយៈពេលសាងសង់១២ខែគិតចាប់ពីថ្ងៃធ្វើកិច្ចសន្យា និងត្រូវរួចរាល់ជាស្ថាពរនៅថ្ងៃទី២០ ខែឧសភា ឆ្នាំ២០១៥ ។ នៅពេលទិញ ថៅកែបុរីឈ្មោះ ណេប សុវណ្ណារិទ្ធិ បានធ្វើកិច្ចសន្យាថា ក្រុមហ៊ុននឹងប្រគល់ប្លង់កម្មសិទ្ធិទៅឱ្យអ្នកទិញបន្ទាប់ពីគម្រោងសាងសង់បុរីត្រូវបានបញ្ចប់១០០ភាគរយមិនឱ្យលើសរយៈពេល៤៥ថ្ងៃឡើយ តែពេលនោះរយៈពេល៤ឆ្នាំមកហើយក្រុមហ៊ុនឆេះតែសន្យាចោល ។
ទាក់ទិនការចោទប្រកាន់នេះអ្នកព័ត៌មានយើងបានទាក់ទងសុំការបំភ្លឺពីតំណាងក្រុមហ៊ុនតែត្រូវបានលោកស្រីជាតំណាងឱ្យដឹងថា ជាប់រវល់ ៕
ចែករំលែកព័តមាននេះ