ខេត្តសៀមរាប ៖ កម្លាំងនគរបាលការិយាល័យអន្តោប្រវេសន៍ខេត្ត កាលពីវេលាម៉ោងជាង១០យប់ថ្ងៃទី១១ ខែធ្នូ បានបង្ក្រាបទីតាំងហ្គេមបាញ់ត្រីមួយកន្លែង នៅភូមិតាវៀន សង្កាត់សាលាកំរើក ក្រុងសៀមរាប ដោយឃាត់ខ្លួនមនុស្សប្រុសស្រីចំនួន៧នាក់ នឹងដកហូតទូហ្គេមបាញ់ត្រីបានចំនួន៣គ្រឿង ។
លោកវរសេនីយ៍ទោ តូច សុគន្ធ នាយការិយាល័យនគរបាលអន្តោប្រវេសន៍ខេត្ត បានឲ្យដឹងថា ជនទាំង៧នាក់នេះត្រូវបានកសាងសំណុំរឿងបញ្ជូនទៅសាលាដំបូង ដែលមាន ៖ ១-ឈ្មោះ Lim Chee Wooi ភេទប្រុស អាយុ៤៨ឆ្នាំ ជាថៅកែជនជាតិម៉ាឡេស៊ី កាន់លិខិតឆ្លងដែនលេខ A៤០៤៩៦១៥៧ ២-ឈ្មោះ Ng Chuan Fu ភេទប្រុស អាយុ៣១ឆ្នាំ ជាថៅកែជនជាតិម៉ាឡេស៊ី កាន់លិខិតឆ្លងដែនលេខA៣៣៣៦៩៥៦៣ ៣-ឈ្មោះ ចាន់ រដ្ឋ ភេទប្រុស អាយុ២១ឆ្នាំ ជនជាតិខ្មែរ ជាបុគ្គលិក៤-ឈ្មោះ យួន សាវុធ ភេទប្រុស អាយុ៣៧ឆ្នាំ ជនជាតិខ្មែរ ជាបុគ្គលិក ៥-ឈ្មោះ លី សៀម ភេទស្រី អាយុ២៦ឆ្នាំ ជនជាតិខ្មែរ ជាចុងភៅ៦-ឈ្មោះ ហ៊ បូណា ភេទប្រុស អាយុ៤៤ ជនជាតិខ្មែរ ជាម្ចាស់ផ្ទះ និង៧-ឈ្មោះ យុន សំអុល ភេទប្រុស អាយុ៣៨ឆ្នាំ ជនជាតិខ្មែរ ជាអ្នកបកប្រែនិងជួយជួលផ្ទះ ។
ក្រោយពីបង្ក្រាបទីតាំងខាងលើ សមត្ថកិច្ចបានបន្តចុះឆែកឆេរនៅផ្ទះមួយផ្សេងទៀត ជាផ្ទះដែលជនជាតិម៉ាឡេស៊ីជួលស្នាក់នៅ ស្ថិតនៅភូមិវាល សង្កាត់គោកចក ក្រុងសៀមរាប រកឃើញឧបករណ៍សម្រាប់ដំឡើងទូហ្គេមបាញ់ត្រីចំនួន២១គ្រឿងបន្ថែមទៀត ។លោកនាយការិយាល័យបញ្ជាក់ថា ជន ប្រុសស្រីទាំង៧នាក់ខាងលើ ត្រូវបានលោក សំរិទ្ធសុខុន ព្រះរាជអាជ្ញារងអមសាលាដំបូងខេត្តសម្រេចឱ្យឃាត់ខ្លួនបណ្តោះអាសន្ន នៅស្នងការដ្ឋាននគរបាលខេត្ត ដើម្បីរៀបចំកសាងសំណុំរឿងបញ្ជូនទៅសាលាដំបូង ៕
ចែករំលែកព័តមាននេះ