ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា ផ្ទះឈើជញ្ជាំងប្រក់ស័ង្កសីមានទំហំ3ម៉ែត្រ×6ម៉ែត្រ ត្រូវបានភ្លើងឆេះអស់គ្រឿងក្នុងគ្មានសល់ ខណៈម្ចាស់ផ្ទះមិននៅ កើតឡើងនាព្រឹកថ្ងៃទី១៤ ធ្នូ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ។
បើតាមអ្នកស្រុកឱ្យដឹងថា ម្ចាស់ផ្ទះខាងលើឈ្មោះអ៊ី ធីនីត ភេទស្រី អាយុ៣២ឆ្នាំ ជាប់រវល់ទៅធ្វើកម្មករនៅឯខេត្តប៉ៃលិន ដោយផ្ទះនោះទុកឱ្យប្អូនប្រុសបង្កើតឈ្មោះអ៊ីសី អាយុ23ឆ្នាំ រស់នៅ ។
អ្នកស្រុកបន្តថា ប្អូនប្រុសឈ្មោះអ៊ីសី បានចេញពីផ្ទះទៅធ្វើការនៅផ្សាររុងក្លឿលើទឹកដីថៃ ។ ក្រោយមកស្រាប់តែឃើញមានភ្លើងឆេះអស់គ្រឿងក្នុងតែម្តង ។ យ៉ាងណាក៏ដោយ ភ្លើងបានរលត់ទៅវិញ បន្ទាប់ពីក្រុមកម្មករសំណង់ដែលធ្វើការនៅក្បែនោះ និងអ្នកស្រុកជួយបាញ់ទឹកពន្លត់ កុំអីអាចឆេះរាលដល់ផ្ទះអ្នកជិតខាងថែមទៀត ។
ហេតុការណ៍នេះត្រូវអ្នកខ្លះសង្ស័យថា អាចបណ្តាលមកពីទុស្សេចរន្តភ្លើងក្នុងផ្ទះ និងអ្នខ្លះថា មុនមានអណ្តាតភ្លើងឆេះឡើង គឺមានស្នូរផ្ទុះកំប៉ុងហ្គាសផងដែរ។
ចែករំលែកព័តមាននេះ