ខេត្តតាកែវ ៖ នៅវេលាម៉ោង៧នឹង៣០នាទីព្រឹកថ្ងៃទី០៨ ខែធ្នូ ឆ្នាំ២០១៧ កំលាំងមូលដ្ឋានកងរាជអាវុធហត្ថស្រុកបាទី និងកំលាំងស្នាក់ការ២០១ កងរាជអាវុធហត្ថខេត្តតាកែវ បានចុះអន្តរាគមន៍ករណីកម្មករ-កម្មការីនីរោងចក្រកាត់ដេរយីហោ ជេឌី តូយូស៊ីមា ខូអិលធីឌី ដែលពុលក្លិនក្រណាត់ដួលសន្លប់ មានទីតាំងស្ថិតនៅភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ ។
ហើយករណីដែលនាំឲ្យមានកម្មករ-កម្មការីនីដួលសន្លប់នេះបណ្ដាលមកពីពុលក្លិនក្រណាត់ដែលដួលសន្លប់ប្រហែលជាង៦៦នាក់ ដោយក្នុងចំណោមកម្មករ-កម្មការីនីនៅក្នុងរោងចក្រទាំងអស់សរុប៣២៧១នាក់ ស្រី១៥៥នាក់ បានបញ្ជូនជនរងគ្រោះតាមរថយន្ដមន្ទីរពេទ្យបង្អែកស្រុកបាទីទៅគ្លីនិកឯកជនខ្លះ និងទៅកាន់មន្ទីរពេទ្យបង្អែកស្រុកខ្លះ ។
គួរំលឹកផងដែថា កាលពីថ្ងៃទី០៦ ខែធ្នូ ឆ្នាំ២០១៧ កន្លងទៅនៅស្រុកបាទីក៏មានកម្មករ-កម្មការិនីដួលសន្លប់ប្រមាណជា១៨៩នាក់ផងដែរ ដោយសារតែពុលក្លិនថ្នាំក្នុងរោងចក្រហើយបន្ទាប់ពីមានការដួលសន្លប់យ៉ាងច្រើនដូច្នេះ នៅវេលាល្ងាចថ្ងៃដដែលនោះក៏ឃើញមានវត្តមាន លោក ឡាយ វណ្ណៈ អភិបាលខេត្តតាកែវដឹកនាំក្រុមការងារចុះសួរសុខទុក្ខមានកាកបាទក្រហមខេត្តជាដើមក៏បានផ្តល់ជូនថវិកាខ្លះ ទឹកដោះគោឆៅខ្លះ ជាមួយនឹងការផ្តាំផ្ញើរសួរសុខទុក្ខដល់កម្មករ-កម្មការិនីពីសំណាក់សម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទកម្ពុជាផងដែរ ៕
ចែករំលែកព័តមាននេះ