ខេត្តបន្ទាយមានជ័យ ៖ យុវជនប្រុសស្រីចំនួន៤នាក់ត្រូវបានកម្លាំងអាវុធហត្ថក្រុងសិរីសោភ័ណធ្វើការឃាត់ខ្លួនបន្ទាប់ពីសង្ស័យថា បានរក្សាទុក និងចែកចាយថ្នាំញៀនដោយខុសច្បាប់ប្រព្រឹត្តនៅចំណុចក្បាលស្ពានថ្មព្រះពន្លា ស្ថិតក្នុងភូមិ៣ សង្កាត់ព្រះពន្លា ។ យុវជនប្រុសទាំងបួននាក់ខាងលើត្រូវបានកម្លាំងអាវុធហត្ថខេត្តកសាងសំណុំរឿងបញ្ជូនទៅសាលាដំបូង ខេត្តបន្ទាយមានជ័យនៅថ្ងៃនេះ…
ខេត្តបន្ទាយមានជ័យ ៖ យុវជនប្រុសស្រីចំនួន៤នាក់ត្រូវបានកម្លាំងអាវុធហត្ថក្រុងសិរីសោភ័ណធ្វើការឃាត់ខ្លួនបន្ទាប់ពីសង្ស័យថា បានរក្សាទុក និងចែកចាយថ្នាំញៀនដោយខុសច្បាប់ប្រព្រឹត្តនៅចំណុចក្បាលស្ពានថ្មព្រះពន្លា ស្ថិតក្នុងភូមិ៣ សង្កាត់ព្រះពន្លា ។ យុវជនប្រុសទាំងបួននាក់ខាងលើត្រូវបានកម្លាំងអាវុធហត្ថខេត្តកសាងសំណុំរឿងបញ្ជូនទៅសាលាដំបូង ខេត្តបន្ទាយមានជ័យនៅថ្ងៃនេះ ។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យបាន អោយដឹងថា យុវជនប្រុសស្រីទាំងបួននាក់ខាងលើនេះគឺជាមុខសញ្ញាជួញដូរគ្រឿងញៀនយ៉ាងសកម្មក្នុងក្រុងសិរីសោភ័ណ ហើយមុខសញ្ញានេះជាមុខសញ្ញាចាស់ខ្លះធ្លាប់ទាំងជាប់ពន្ធនាគារ និងជាប់មណ្ឌលកែប្រែជាច្រើនដងផងដែរ ។ កម្លាំងជំនាញបានធ្វើការតាមដានអស់រយៈពេលជាច្រើនថ្ងៃទើបឈានដលល់ការឃាត់ខ្លួនបាន ។
លោក ស ប៊ុនសឿង ក៏បានបញ្ជាក់ឱ្យដឹងថា ជនសង្ស័យទាំងបួននាក់សមត្ថកិច្ចបានដកហូតគ្រឿងញៀនប្រភេទមេតំហ្វេតាមីនទឹកកកសរុបចំនួន៤២កូនថង់ ស្មើនឹងទម្ងន់១៨,៨៤ក្រាម មេតំហ្វតាមីនគ្រាប់១៥៧គ្រាប់ ទូរស័ព្ទ៤គ្រឿង នាឡិកាមួយគ្រឿង និងម៉ូតូហុងដាទ្រីមមួយគ្រឿង ។ បច្ចុប្បន្នជនសង្ស័យទាំង៤នាក់រួមទាំងវត្ថុតាងត្រូវបានកម្លាំងជំនញរបស់កងរាជអាវុធហត្ថខេត្តបានរៀបចំសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនីតិវិធីច្បាប់ហើយដែរ ៕
ចែករំលែកព័តមាននេះ