ជនជាតិឥណ្ឌា និងមនុស្សនៅក្នុងមជ្ឈដ្ឋានសិល្បៈភាពយន្តហូលីវូដមានការសោកស្តាយចំពោះលោកShashi Kappoor ជាតារាសម្តែងនិងជាផលិតករភាពយន្តដ៏ល្បីរបស់ឥណ្ឌាដែលបានស្លាប់បាត់បង់ជីវិតក្នុងអាយុ៧៩ឆ្នាំ នៅមន្ទីរពេទ្យកូគីឡាបេន ក្រុងមុមបៃ ប្រទេសឥណ្ឌា កាលពីល្ងាចថ្ងៃទី៤ ធ្នូ ឆ្នាំ២០១៧ ដោយជំងឺក្រលៀនចុះខ្សោយអស់រយៈពេលជាច្រើនឆ្នាំ ។
លោកនាយករដ្ឋមន្ត្រីណារ៉េនត្រា ម៉ូធី នៃប្រទេសឥណ្ឌាបានសម្តែងក្តីអាឡោះអាល័យដល់លោក Shashi Kappoor តាម «Twitter» រួមទាំងសម្តែងការសោកស្តាយដល់ក្រុមគ្រួសារ និងពលរដ្ឋដែលកោតសរសើរដល់រូបលោក ។
BBC បញ្ជាក់ថា លោក Shashi Kappoor កើតនៅក្នុងក្រុមគ្រួសារជាតារាសម្តែងភាពយន្តដោយឪពុករបស់លោកជាតារាសម្តែង និងជាអ្នកដឹកនាំរឿង ។ លោកបានសម្តែងភាពយន្តជាច្រើនរឿង មានកេរ្តិ៍ឈ្មោះល្បីល្បាញនៅទូទាំងប្រទេស និងនៅលើពពិភពលោក ។
ការស្លាប់របស់លោក Shashi Kappoor បានធ្វើឱ្យអ្នកគាំទ្រជាច្រើនសម្តែងការសោកស្តាយ ។ ការស្លាប់របស់លោកគឺជាការបាត់បង់អ្នកមានទេពកោសល្យឆ្នើមមួយក្នុងប្រទេស ៕
ចែករំលែកព័តមាននេះ