ខេត្តកំពង់ឆ្នាំង ៖ រហូតមកដល់ពេលនេះគំនរសម្រាមនៅក្រោយសាលាស្រុកបរិបូរណ៌ដែលនៅមិនឆ្ងាយពីសាលាឃុំពន្លៃ នៅតែបន្ត និងរិតតែបង្កផលប៉ះពាល់ដល់ការរស់នៅរបស់ប្រជាពលរដ្ឋរស់នៅតំបន់នោះកាន់តែខ្លាំងឡើង ។ ប្រជាពលរដ្ឋរស់ជិតគំនរសម្រាមខាងលើបាននិយាយថា បច្ចុប្បន្នពួកគាត់លំបាករស់នៅខ្លាំងណាស់ ព្រោះតែខ្លិនស្អុយពីគំនរសម្រាមទាំងនោះ លើសពីទៀតទឹកត្រពាំងដែលពួកគាត់ធ្លាប់ប្រើក៏ក្លាយជាទឹកស្អុយ…
ខេត្តកំពង់ឆ្នាំង ៖ រហូតមកដល់ពេលនេះគំនរសម្រាមនៅក្រោយសាលាស្រុកបរិបូរណ៌ដែលនៅមិនឆ្ងាយពីសាលាឃុំពន្លៃ នៅតែបន្ត និងរិតតែបង្កផលប៉ះពាល់ដល់ការរស់នៅរបស់ប្រជាពលរដ្ឋរស់នៅតំបន់នោះកាន់តែខ្លាំងឡើង ។
ប្រជាពលរដ្ឋរស់ជិតគំនរសម្រាមខាងលើបាននិយាយថា បច្ចុប្បន្នពួកគាត់លំបាករស់នៅខ្លាំងណាស់ ព្រោះតែខ្លិនស្អុយពីគំនរសម្រាមទាំងនោះ លើសពីទៀតទឹកត្រពាំងដែលពួកគាត់ធ្លាប់ប្រើក៏ក្លាយជាទឹកស្អុយ និងបង្កជារមាស់មិនអាចប្រើប្រាស់បានឡើយ ។ ពួកគាត់ក៏បានដឹងដែរថា អាជ្ញាធរដែនដីអស់លទ្ធភាពទប់ស្កាត់ហើយ ព្រោះអ្នកចោលសម្រាមបានលួចដឹកតាមម៉ូតូ រ៉ឺម៉ក និងពេលខ្លះមានទាំងរថយន្តយកមកចោលនៅពេលយប់ ។ ពេលខ្លះពួកគាត់ទ្រាំមិនបាននាំគ្នាទៅដុតសម្រាមទាំងនោះចោល ប៉ុន្តែដុតថ្ងៃហ្នឹង ស្អែកឡើងឃើញមានសម្រាមគេយកមកចោលនៅកន្លែងនឹងដដែលទៀត ។
ជុំវិញបញ្ហានេះដែរលោក ឃួន សៅរុំ អភិបាលស្រុកបរិបូរណ៌បានមានប្រសាសន៍ថា បញ្ហារឿងសម្រាមនេះ គាត់កំពុងស្នើសុំដីនៅតំបន់១ជាប់ព្រុំប្រទល់ខេត្តពោធិសាត់ កំពង់ឆ្នាំង ដែលជាដីអនុប្រយោគឱ្យប្រជាពលរដ្ឋចំនួន១០ហិកតា ដើម្បីធ្វើជាកន្លែងចាក់សម្រាមហើយ បន្ទាប់មកនឹងធ្វើផ្លូវទៅកាន់ទីនោះ ។ ប៉ុន្តែពេលនេះកំពុងសិក្សារកក្រុមហ៊ុនប្រមូលសម្រាមឱ្យបានត្រឹមត្រូវ ដើម្បីប្រមូលសម្រាមតាមផ្សារ និងតាមផ្ទះ ហើយយកទៅចោលនៅទីនោះ ។ រឿងសម្រាមលោកបានដឹងគឺពេលខ្លះក្រុមហ៊ុនប្រមូលសម្រាមខូចដែរ លួចយកទៅចាក់នៅកន្លែងហ្នឹងដែរ សមត្ថកិច្ចចាប់បានម្តង ពីរដងហើយ ៕
ចែករំលែកព័តមាននេះ